والله غلبنى اعلق على الموضوع من شدة ما أنا مغبون وداير افش الغبنة دى على صاحبنا اعلاه (صاحب القصة ) الماقادر يفش غبينتو.


انا اقترح انو اى زول مغبون يفش غبينتو براه ، لانو كل زول بعرف فش غبينتو ،وذلك على طريقة المثل السودانى المشهور ،كل زول بعرف .... وما فى داعى اتم المثل

خلاص هى بقت على فش الغبائن يعنى ،ما تفشوها بعيد ،،بعيد ، يعنى انتو يالمغتربين ما لقيتو غير فش الغبائن دى ولا دايرين تعملوها شماعة فى ناس الضرائب المساكين ديل _قال مساكين قال_ الكرهونا نحن الموظفين البلد 

كل مرتب أو مخصص أو حافز دايرين فيه النصيب ،التقول شغلتن بس نحن الكادحين ديل ،وينسو عديل كده انو هناك عدد كبير من التجار ماقاعدين يدفعو اى ضريبة على الاطلاق ،بس فالحين فينا نحن

يا عامر يا خوى المغايص كتيرة والفششويات كتيرات خلاص ،خليهن ساى ما يدكن الدرب ،ديل سيبن اقرع الجايات


هذا مع خالص شكرى وتقديرى

حكاية عجيبة وغريبة فى نفس الوقت
وجه العجب انو حاج صديق ذاتو مفروض يشمله القرار منذ البداية لانه معاشى  ،مش بعد ما يجو ناس
الضرائب ويفرضو عليه تلك الضرائب الباهظة

والغرابة تأتى كون أن الشعب كلو يشمله القرار ،وكمان الجكسويات ديل الدخلن شنو فى الحكاية دى ما كل جكسوية حسب علمى عندها اسبير لكل جكس مغشوش

على العموم الاقتراح جيد نأمل أن يتحقق فعلياً

لك الاحترام استاذنا عامر
بس عندىليك سؤال
فكرك اخونا التجو بقدر يفش قبينتو من ناس الضراااااااائب
قايتو انا ما عارف بس لو صاحبو ساعدو يمكن يتفشى شوية


الذيو كتاااااار
الله يفشش القباين

الاخ عامر متعك الله بالصحة والعافي وربنا يفش غبينة الناس المغبونين بركة العيد السعيد
وامنياتى لهم بدوام الصح والعافية وكل عاموالمغبونين فى قلة