hego كتب:

والله يا عامر نحن عارفنك من زمان فنان في كل ما هو غريب

وعجيب إبتداءً من صيد ود أبرك وصيد السمك وتصليح الروادي

الشغلة الضربت بيها سوق عمنا بابكر حسن حتي زراعة البصل

مع العم عيسي وسوق الربح كنت بائع ممتاز ومحتكر جيد للبضاعة

مع الاخ أبو تقوي ـ يعني فنان في كل شئ ـ لكن يا أخوي الرسم ده حده

وين ولوحاتك دي حدها وين وماتسمع كلام الشباب ديل الزول طلع من

التشاؤم الزول دخل التشاؤم ـ زي ما قال عمك عيسي آخر الكلام كلام

لكن الكلام ده برضو عندو نهايه

وانتو ياناس عيسي والديبه تقعدوا تعلقوا ساكت الزول أدوهو راسو وخلوهو

يكمل باقي الرسمة دي بسرعة

hego كتب:

والله يا عامر نحن عارفنك من زمان فنان في كل ما هو غريب
وعجيب إبتداءً من صيد ود أبرك وصيد السمك وتصليح الروادي
الشغلة الضربت بيها سوق عمنا بابكر حسن حتي زراعة البصل
مع العم عيسي وسوق الربح كنت بائع ممتاز ومحتكر جيد للبضاعة
مع الاخ أبو تقوي ـ يعني فنان في كل شئ ـ لكن يا أخوي الرسم ده حده
وين ولوحاتك دي حدها وين وماتسمع كلام الشباب ديل الزول طلع من
التشاؤم الزول دخل التشاؤم ـ زي ما قال عمك عيسي آخر الكلام كلام
لكن الكلام ده برضو عندو نهايه
وانتو ياناس عيسي والديبه تقعدوا تعلقوا ساكت الزول أدوهو راسو وخلوهو
يكمل باقي الرسمة دي بسرعة

issa كتب:

حد حاشو .. ما يكمل رسمتو الفالقنا بيها دى .. وان شاء الله تطلع حلوة

كويس يا خوي الكاشف، شيل الصبر وما تزعل لو فلقناكم ما انت أدرى العارفين بأن الرسم يحتاج لمهارات وأخوك ينقصه الكتير في ذلك. كلام عمنا الحجو دا حقو تقروه تاني وتردو عشان الرد يجي موجب وليست مجرد أماني أن تطلع الصورة حلوة.

تحياتي؛

قصب كتب:تحياتى لك استاذى عامر
بس والله دخلت نفسك فى حتة تحسد عليها
الجماعة ديل مالهم معاك ومالهم مع الصوره
وكسر رقبة عاوزنها حلوة
ما تقول ليهم اديكم عيونى تشوفوها بيو
واي زول عاجبوا (الراسموا)

شكلهم زهجوك واحتمال كبير تكون كسرت البرواز واكيد
الصورة لحقت امات طه

عندى ليك فكرة!!!

ارسم ليهم شدر ود ابراهيم والقون والنادى والشلالة وشدره العيد وووو

وقول ليهم هذه هى مرسم احلامى

تانى مافى حد بيقدر يتكلم معاك
لانها احلى من اى حاجة وهم عارفيييييييييين حلاتها وين
ولى شنو ؟


تفطر على خير



قصب

أشكرك أخ قصب... المداخلة دي ريحتني شوية؛

وعايز أقول حتى لو رسمت الحاجات الأوصيت بيها دي الجماعة ديل الشايلنو ما هن خاتنو... ديل ناس لا يرى في الوجود شيئاً جميلاً. ومع ذلك سأظل أرسم ما أصلو أنا ما خسران حاجة.

تحياتي؛

blueshade كتب:

(2)
تدرين ماذا زعموا؟
"مجنون..."
"سلبت لبه فتنة عيناك"
"فهام يعربد في دنياك،"
وبلا إدراك...
نصحوني قالوا "أنساك!"
لأبحث عن شيء آخر...
ليعود صوابي "كما زعموا"
لكني لن أفعل...
لن انصاع لذاك الوهم؛
فحياتي دوماً دنياك



الرياض - نهاية ألفين وسبعة...

تحياتي و...
كل الود؛

محمد سلمان كتب:الله اللله مأروعك يا المانجلك, ولأول مرة أعرف أن شيطان الشعر قد سكنك كما سكن ديك الجن الدمشقي قبلك, ثم حاجة تانية يعني دايرين نسعل سعال برئ كده متى سنرى اللوحة عشان نعرف تررررررررررر ,وكمان الشئ الأروع أن اللون الأسود بدأ يخنفي من دنياك الله لا أعاده فقد رأيت الألوان الفرايحية وقد بدأت تأخذ مكانها وتتوهط بين ظهرانيكم , الله يمكنها كما مكن الجماعة ديلك .أتمنى أن نطالع خواطر جديدة.

شكراً يا أستاذ على الإطلالة الجميلة... الليلة مرقت من علبك ودخلت المنتدى عدييييييييييييل كدي؟ هذا جيد على الأقل شفناك في فضاء كلكول.

بس ما عارف حكاية اللون الأسود دي شنو... أنا لوني البلو دائماً حتى أنني أسميت نفسي الطيف الأزرق كما ترى؛ وهذا يعني الكثير من التفاؤل والانفتاح نحو الحياة والألوان بس تظل لي ألواني الخاصة التي أعشقها وأعيش معها براي وبمزاجي.

عموماً نشكر لك تشريفك لهذه المساحة ونشكر لك كذلك كلماتك النبيلات المشجعات.

تحياتي و...
كل الود؛

aldeeba كتب:

blueshade كتب:

(2)
تدرين ماذا زعموا؟
"مجنون..."
"سلبت لبه فتنة عيناك"
"فهام يعربد في دنياك،"
وبلا إدراك...
نصحوني قالوا "أنساك!"
لأبحث عن شيء آخر...
ليعود صوابي "كما زعموا"
لكني لن أفعل...
لن انصاع لذاك الوهم؛
فحياتي دوماً دنياك



الرياض - نهاية ألفين وسبعة...

تحياتي و...
كل الود؛

تذكرني هذه الابيات بفلم لنور الشريف كانت شخصيته في البداية مسالمة وبسيطة ومتواضعة الا ان ناس منطقته بداوا يدخلون عليه بعض الافكار, بانه قوي وشديد الباس وبطل الابطال,فلابد ان يستقل هذه القوة في بعض الاعمال وبتاثيرهم الشديد عليه ظهرت الشخصيه المعكوسة... ماساقني الى ذلك زعمهم بانك مجنون وفهام معربد بلا ادراك وانساها حتى يعود اليك رشدك الغائب...لا اقول بانهم قد يصلوا الى مرادهم من ذلك, لانك قلتها
لكني لن أفعل...
لن انصاع لذاك الوهم؛
فحياتي دوماً دنياك

نتمنى الحياة لكل في دنياه....
ونتمن ان يتواصل المد الجميل حتى يظهر امثال الاستاذ ودسلمان ,,,,,,,,,,,,

تحياتي

هلا باشمهندس؛

أنا ما عارف أعلق على كلامك كيف بس ساكتفي بترديد أمنيتك "نتمنى الحياة لكل في دنياه" ولكن على طريقتي الخاصة لأني أحب أن أعيش في دنياي التي هي دنيا أخرى أحاول الدخول إليها من خلالها... وبالألوان!

وبالمناسبة والله كلنا عايزين ودسلمان يظهر ويطلع من علبو وإورينا حاجاتو بس كيف العمل - وودسلمان دائماً مشغولاً بالعمل.

تحياتي و....
كل الود؛