hego كتب:

بسم الله والصلاة على رسول الله صلي الله عليه وسلم
اما آن لك يامغترب كلكول أن تصحى من نومك وتعمل ليك حاجه تفيد
بيها نفسك وبلدك وتخفف بيها من ضغوط الغربة ( المادية والمعنوية) ـ
ونحن فى الغربه كلكول تنادينا ـ المسجد ـ المدرسة ـ النادي ـ المركز الصحي
وطلبة وطالبات الجامعات ـ يعني بإختصار كل خدمات القرية دايرة نمد لها اليد

وطبعاً الواحد هنا بشوف جمعيات والله عامله مشاريع كتيره جداُ والحمد لله
بصماتهم ظاهرة في قراهم بس بالتعاون فيما بينهم والصدق وإحساس القريه
أنا بقول الكلام ده وعارف ضغوط المغترب لكن للابد من حل ـ
معليش هذا المقال غير مرتب وعلى السريع لكن أرجو من الاخوة أن يكونو
عرفوا المقصد . بس مدخل لموضوع شاغل معظم الاخوة
نرجو من الاخوة أن يدلوا بافكارهم من غير مجاملات ـ( المقال جميل
ولازم الناس تعمل ـ والله أنا كنت بفكر في نفس الموضوع )ـ
دايرين أفكارجديدة مداخلات نستفيد منها ـ ولارايك شنو ياود
عجيييييييييييييييييييييييب

شكراً للأخ حجو على الطرح الجيد؛ ترى هل يدخل ذلك ضمن الردود التي لا ترغبها؟

عموماً الكثير مما ذهبت إليه في مقالك صحيح... وباعتبارك مغترب ومتابع، تعرف جيداً الكثير مما قد يكون خافياً على الكثيرين بخصوص المحاولات المملكنة والمحاولات التي يمكن أن تتبلور في هذا الخصوص.

ألم تكن هنالك تجارب سابقة؟ لقد كانت بالفعل هنالك تجارب سابقة ولا أريد أن أخوض في الأمر...

أنا معك كذلك لنفتح المجال لكل متداخل بآرائه وأفكاره والأهم "بماله" لأن الآراء والأفكار كتيرة وموجودة بالفعل؛ ولك أن تعود لموضوع على نفس المنبر بخصوص دعم فريق المشعل وسترى الصورة كما هي عارية لا تحتاج لإزاحة ستار!

من هنا نضم صوتنا لصوتكم ونؤكد استعدادنا التام للتواصل مع كل مبادرة ودعمها "كنا مغتربين أو في البلد" لنرى كلكول دائماً مميزة وإلى الأمام.

مع التحية و...
كل الود؛

aldeeba كتب:الموضوع جميل جدا جدا(دي من عندي كنوع من التغير) منك... اخينا... اخانا... اخونا الاكبر حجو(ياناس اللغات افيدونا والكلام ليك ياود سلمان)...
.....
المفيد....
انا بقترح يكون في حصر لكل المغتربين...وتكليف اشخاط بالدول المعينة حسب المناطق بالدولة للتسهيل ويكون هذا الشخص مسئول عن تحصيل ربط شهري معين+التبرعات وتحصيلها بالطريقة التي يراها مناسبة في رقم حساب اوعن طريق اليد او...واقترح ان تكون ادارة المنتدى هي المركز للتحصيل واقتراح المشروعات وادارتها..
مجرد راي....فهل من داعم

issa كتب:انا غايتو يا حجو ما مغترب عشان كدا بقول ايوة ده موضوع
جميل ولازم الناس تعمل ،ما اصلو المغتربين ديل مفروض يساعدو اهلهم بمشاريع
استثمارية وكده اخير مما يعطوهم عطية مزين والمثل الصينى بقول "علمنى صيد
السمك ولا تعطينى سمكة".

على العموم نحن بنشارك برأينا وفكرنا وأنتو شاركو بقروشكم هههههههههاهىىىىىههههىىى
فى انتظار اراء الاخوة المغتربين
كل الحب ،

مع التحية و...
كل الود؛