رمضان قرررررب ناس بيتنا عاسوا الابرى الاحمر والابيض وحمرو البصلة وجهزوا الدكوة للصلطات ، جابو اللوبة العدسى للبليلة ولو الحال اتيسرت بنشترى القمر دين من سوق الكاملين ، الشرموط جهزو لى ملاح التقلية واللبن روبو لى ملاح النعيمية وملاح الروب ،الكركدى جااااهز بس يبلوا فى الكورة الكبيرة ، الرقاق للسحور ومعاو كورة نشا ملخبطة بى ابرى احمر بااااااارد الجغمة منو بتصبرك على العطش ثلاثة يوم (هكذا حال كل بيت سودانى وكلكولى تحديدا)
بنعاين لى شهر رمضان زى شهر رمضان ، الشهر هله بكرة الصيام اتعشو كويس تقلوا فى السحور وصفة خاصة التمر باللبن لذيييييييذ ، ماتنومو لى صلات الظهر قوموا اشتغلوا الشغل عبادة لو اشتغلتو الصباح الظهر بتنومو نومة جاااامدة، بس ما تنسوا حلقة التلاوة فى المسجد مع مشايختنا الافاضل، صلوا العصر وبعد التلاوة بتلقو الاولاد بفرشو فى البروش والفرشات كل جماعة فى محلاتهم المخصصة ليهم وطبعا مافى زول بخلى الفجة البفطر فيها حتى لو ساومو بمال الدنيا، الكل راجى الشمس تقع
واخيرا وقعت واللقمة وقعت ما سمت اى واحد ماسك التمرة فى يدو منتظر الاذآن ودايما بكون فى حوار (الليلة البآذن منو اظنوا عوض الدباسى لا الليلة بآذن الفكى بس الفكى بأخرنا فى الفطور هو الليلة الفطور الساعة كم ) واهم حاجة وكم دقيقة
الاذآن اذن ولانشغالنا بالفطور ما انتبهنا للاذن منو ، اكلنا اكل.... وشربنا شراب.....، قايتو بس الحمد للة.
مره يوم وسرعان ما تسمع بالله العيد فضل ليو كم يوم والله رمضان يا حليلوا
بس يا حليلنا نحن الما بنشوف فى الحاجات دى اى حاجة وما بنحس بطعم موياتنا وما بنسمع صوت الاطفال وهم ينادون...
شيربوا شيربوا شيربوا
ونحن الشاربين من البحر وما رويانين
الله يرد غربتنا
عشان نضوق طعم رمضان الحقيقى فى الخلوة

قولوا آمين
آآآآآآآآمين


ولنا عودة


قصب

آمين وربنا يعيدو علينا وعلى الأمة الإسلامية مراراً وتكرارا والناس بخير إن شاء الله...



تعرف يا أستاذ قصب رجعت بينا زي ما قال عمنا الحجو للزمن الجميل تاني... سأعود بالتأكيد لرواية بعض الأشياء؛ سوق الربح إذا عمنا الحجو ما عندو مانع.

تحياتي و...
كل الود؛