منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


التلفزيون

شاطر
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17459
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

التلفزيون

مُساهمة من طرف قصب في الأحد 15 أغسطس 2010, 10:10 pm

تلفزيون السودان بنفخر بيو وما بنخجل منو لو كنا مشغلنو مع اخواتنا وامهاتنا عشان بيعرض لينا حاجات حلوه ما فيها تبرج ولا سفور وللأمانة واحد من إخواننا الخليجيين قال لي بالحرف الواحد ( أنا ما بطمن على عيالي من تلفزيون إلا من تلفزيونكم يا زولة ) افتكر دى إشادة جميله في حقنا وفى حق الرعيل الأول الاسسو لينا الحاجات الحلوة دى .


بس ....
لماذا كل هذه الفوضى التي نشهدها ...؟
فوضى في التقديم
كل يوم يجيبو لينا مذيع جديد لا يستطيع أن يحاور الضيف الذي يجلس إمامه وذلك لعدم الإلمام التام بتفاصيل وطبيعة الضيف وأيضا لتدنى مستواه الثقافي والفكري (يا آخى وكت مابتعرف تحاور ما تسوى ليك بروفة خارج الكادر ) ثم هم وكت ما بعرفوا جايبنهم أصلا ليه ولى كمان دى فرضية زى الانتخابات والله بالصح ما التلفزيون حقهم يجيبوا الموالى حتى لو كان لا يفقه شى ويبعدو البعرف بالصح البقدر يطلع الكلام من الضيف لم تصيبو ربكة وما يقر يجاوب على الأسئلة البطرحة عليو ن ثم البستضيفوهم ديل ما هم ذاااااااتم يعنى من دقنو وافتلو ذي ما بقولوا يا استاذ عجيب
وكذلك نلحظ فوضى في المونتاج ...
عرفنا التقدييم كمان فى مجاملات فى المسائل الفنية بتاع المونتر بدوهو القطعه خام عشان يقطع من هنا ويوصل من هناك ويحذف الحاجه المادايره المخرج يعنى مع فنياتو المخرج بديو رايو الفنى بس للاسف لا المونتير فنى ولا المخرج عندو ولو شوية فنيات يقطعوا زى ما عاوين ويفرضوا علينا مونتاج هذيل يسودو طابع الرتابه والهمجيه فى اختيار اللقطات المناسبة ن يفرضوا علينا ما تراه اعينهم ولا ينظرون الى ما تراهو اعيننا ( ياخى والله الاطفال برتبوا العابهم ميه الميه بالذات البتكون فيها صور مبعثره انتو ما قادرين ترتبوها بالرقم من انها مرتبة جاهزه اللهم الا شويه مجهود ومجهود اقل من من مجهود الاطفال ) والله شى مخجل فعلا ان نرى مثل هذه الاشياء فى تلفزيوننا الذى اصبح يشاهده اقلب الناس فى العالم .
وشوف الفوضى البى عينه عند اخواننا المخرجين ...باعتبار ان المخرج هو آخر من يمر عليه العمل ومن ثم الى المشاهد مباشرة يعنى المفروض المخرج يغربل العمل تماما ويبعد اى ملاحظات قد تبهت الصوره فى نظر المشاهد ويختار الزوايا الصحيحة لتواجد الكاميرات وطريقة اختيار اللقطه المناسبة من وضع الكاميرا الصحيح وكذلك ترتيب الاستديو وان كان ذاك عمل اخواننا فى الديكور ولكن حتى اخفاقاتهم مسؤل منها المخرج مباشرة وكذلك ترتيب وهندمة الضيف وطريقة اجلاسه فى وضع مريح حتى يستطيع ان ان يدلوا بدلوه فى كل ما يسأل منه باسراف (يعنى مفروض الضيف يظهر لينا على سنقة عشره مش تجيبوهو لينا زرارة الكرفته ما مزرره ولى البنطلون مرفوعه رجلوا والتانيه الشراب ظاهر مكفوف زى ناس الكوره ) .حقيقة حاجه مخجلة معقول كل الاستديو ما فيو واحد عينو فاحصه يشوف الحاجات الغريبة دى
قبل كم يوم استضاف المزيع اللامع المحترف الطيب عبد الماجد وهو من الكوادر الراقية الى كانت فى التلفزيون هسة ياناس زى الطيب وزى لقمان حسن همام وزى الزبر نائل وآخرين البخليهم يطلعوا بره شنوا ؟ اكان ما خراب تلفزيون هسه كان خصصواليهم رواتب كويسه مش كان قعدوفى البلد وقادوا نهضه التلفزيون جايبن لينا ناس فلان وفلان الواحد ما قادر ينسق بين القميص والبدلة حا ينسق لينا برنامج ! .... ورب الكعبه ما بقدر . المهم الطيب استضاف الفنان فلان والفنانه فلان ما عندنا فيو قول بس فلانة دى لابسه كده لى شنو! للو كانت هى ما بتشوف الاستديو فيو قرابة العشرين نفر من كلهم ما فيهم زول بشوف ؟ وكت هى ما جات من البيت منسقه انتو ما تنسقو البتقدرو عليو مش تخلوها تطل عبر الشاشة بذاك النشاذ والله انا شايف انها معزورة وما عندها اي ذنب ... اللوم كلو فى المخرج ويمكن فى منسق الملابس ( هو تلفزيونا دا عندو منسق ملابس ) ؟ .
شكلا كده ما عندنا منسق اى حاجة ، من الطرائف ابان حكم الريس الراحل نميرى النعمان بتاع النشرة الجوية قالوا قابل نميرى قال ليو عاوين بدل لبس نميرى قالليو انتو الشايفكم منو مؤشركم داعاوز ليو لبس ( قبال التكنجة النشرة الجوية كانوا بوصفوها بالمؤشر )
انا ما عارف لكن اخواننا الفى التلفزيون ديل فاكرين الناس البتعاين دى ما عندها رؤية ابداعية تقدر تعرف بيها الصورة الصاح من الغلط ولى شنو ؟

والمصيبة الكبرى ان اغلب البرامج التى بها الملاحظات التى ذكرتها والتى لم اذكرها ليست على الهواء وكمان مسون ليهم فنجرة ويعيدو فبها بس بنفس الاخطاء ( ياربى بكونو جادين ما شايفين فى غلط ! والله مشكلة
الموضوع كبير وخطير وعاوز قعدة وقومة واخواننا بقعدوا وبقوموا فى المأدبات وسدرو فى البلد يمين شمال وما عاوين يسو لينا حاجة قلنا التلفزيون حقهم الصحف برضها حقتم ولى ببقوها حقتم بى ناس قوش
اهه قولوا ليهم اشبعوا رقابة ومراقبة

انتو مراقبة الامتحاناتدى كمان بقت كيف والله قالو لو ما منهم ما تراقب لو بقيت مراقب ولى زى مراقبين الانتخابات الدوليين الراقبوها صح لدرجة ولا واحد قدر يشف من التانى !!!!!!
ولى شنو يااستاذ
الموضوع كبير وخطير كما ذكرت لكن الفطور كبس ان شاء الله تفطرواعلى خير وبعد الفطور بنتلاقه كان الله كتب

والله انا لو كنت فى بكان كمال العبيد اكان ابدل جمال الوالى بى التلفزيون ويدينى قناة الشروق وبهاودو كمان تلفزيون الخرطوم

تفطروا عافية




قصب










منتديات شباب كلكول



لو أعيش زول ليهو قيمة

أسعد الناس بى وجودى

زى نضارة غصن طيب
كل يوم يخضر عودى

وابقى زولا ليهو قيمة ...

وابقى زولا ليهو قيمة
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 19701
نقاط سمعتي : 13
<b>::My:</b> ::My: : $عيون في الغربـــة بكاية$

رد: التلفزيون

مُساهمة من طرف blueshade في الأحد 15 أغسطس 2010, 10:41 pm

تعرف يا أخ قصب الكثير من الملاحظات الذكرتها هذه صحيحة مية المية... أنا كنت ذات يوم متابع جيد لتلفزيوننا "تلفزيون السودان" بس بطلت أتابعو لأنه لم يعد يستهويني ولم تعد هنالك برامج هادفة ومفيدة تقدم. والظاهر أن البرامج كلها أصبحت تتشابه في الفكرة والمضمون وتتفق في التقديم السيء.

من الغرائب أن ترى برنامج مثل "عزيزي المشاهد" والمعروف أن هدف هذا البرنامج هو خلق علاقة بين التلفزيون والمشاهد واستقراء رأي المشاهد فيما يقدم وكذلك التعرف على ماذا يريد المشاهد... المؤسف أن البرنامج لا يعمل على أساس هذا الفهم فنجده باهت لا يخدم غرض بدليل أن البهدلة ورداءة التقديم مازالت مستمرة والكثير من البرامج التي لا يتابعها المشاهد لا تزال مستمرة لماذا؟ لا ندري!

المهم يا قصب الله يعينك فقد طرقت موضوع خطير فعلاً في عهد توجه فيه الدولة التلفزيون وتفرض ما تراه مناسباً دون اعتبار لرأي المشاهد.

تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر

    الوقت/التاريخ الآن هو الإثنين 17 ديسمبر 2018, 6:26 am