منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أنت الزائر رقم

المتصلون

أخبار كلكــــــول

صحف سودانية

سحابة الكلمات الدلالية

كرة  سودانية  لعام  الاساس  الجديد  كدكاي  لا  2011  ما  شباب  رابطة  نتاءج  كلكول  المنتدى  امتحانات  الحجو  يبكي  ameen  هندسة  الاساس2009  الله  لاساس  2012  قصيدة  الركشة  عادات  

    قاسم ابو زيد

    شاطر
    اخترت ان امضي وحيده

    اخترت ان امضي وحيده

    قلــم فضــي
    قلــم فضــي

    انثى السمك

    تاريخ تسجيلي: 03/04/2010
    عدد مساهماتي: 302
    جنسيتي: سودانيــه
    مقيم في: السودان


    نقاط تفاعلي: 4350
    نقاط سمعتي: 7
    <b>::My:</b> ::My:: مــــــــنو القال ليــك بنتحمـــل فراق عينيــــك


    • مساهمة رقم 1

    قاسم ابو زيد

    مُساهمة من طرف اخترت ان امضي وحيده في 25/8/2010, 9:22 pm

    تذكير بمساهمة فاتح الموضوع :


    [b]
    قاسم ابو زيد

    لوحة وطن فى عيون طفلة
    طفلة حلوة وشايلة لونة ..
    ترسم الوطن الشباب
    كل خط فى اللوحة باين ..
    من دموع الطفلة يحكى
    النفوس تبقى السحاب
    القلوب تبقى الأراضى ..
    نزرع الوطن اليباب
    راسمة فى اللوحة القمارى ..
    فيها وش النيل حزين
    الضفاف كان لونا أحمر .
    الشجر كان لونو أخضر
    الجباه عرقة بيضارى ..
    حمرة النيل واصفرارو
    **********
    راسمة جوه اللوحة طفلة ..
    الفرح فى رموشة صفق
    ادت الامواج بسيمة
    غير النيل إنحدارو
    لابسة من السعدة قرقاب .
    شايلة فى الأيد الطوارى
    مارقة قمحة من اليباب
    **********
    شلة من أطفال مدارس ..
    فى نظام ماشين سوا
    رددوا الخير بالوتر
    الزمن فى اللوحة بشر
    الجروف فتحت مداها
    الغيوم شايلة المطر
    الترابلة هناك كبار
    شتتوا العيش للمواسم
    العيون شايلات بطر
    من بعيد فى اللوحة عامل
    الآيادى على السنابل
    ودع الليل والفتر ..
    خدرالوطن اليباب
    [/b]














    منتديات شباب كلكول



    مااصلو حال الدنيا تسرق منيه في لحظة عشم
    اهو نحنا في الاخر سوا باعنا الهوي ماشين علي سكة عدم
    • الرجوع الى أعلى الصفحة
    اخترت ان امضي وحيده

    اخترت ان امضي وحيده

    قلــم فضــي
    قلــم فضــي

    تاريخ تسجيلي: 03/04/2010
    عدد مساهماتي: 302
    • مساهمة رقم 11

    رد: قاسم ابو زيد

    مُساهمة من طرف اخترت ان امضي وحيده في 25/8/2010, 10:00 pm

    زى ما يكون


    برغم ذبول نجيماتك


    سماك معقول


    وشارع الشوق

    ..
    بدونك .. تمْ


    بحِسْ بى القول

    ..
    على حدّ السيوف مجدول


    ورغم الفات


    ورغم الحاصِل المسلول


    فوق عمقك قدل جوّاى


    على لقيا .. وبياض خاطر


    وزى مايكون


    *****
    وعلى عمقك


    مشيت متلفّحك .. خاطر


    لا الشبورة .. لا ريحة الدُعاش


    مشبوبة بى ندّكْ


    ..     صبابة وصوت


    ولا برقت شموس منّك


    ولا دخلت شموس فينى


    ولا أظنّك بتدّى شموس


    ويطلع من عيونك ضى


    ولا لِمِس الجفاف خدّك


    ولا ركّ الندى المحروق


    فراشات فى شذاك .. دخان


    شعاعات من بريق لحظك


    فهل يرجع زمن جيتك


    حضور تانى ؟


    على ذكراك أمل ممتد


    أنا وإنت .. وهدير الكون


    على لقيا .. وبياض خاطر


    وزى ما يكون
    **************
    ولا رجعت طيور بتنم


    ولا زيفا نشف مفضوح


    ولا زِيف العِشِق مفضوح


    ولا لمـّة فرح .. بتلم


    ولا الرقدة .. التعب بتجم


    ولا الصمت القبيل .. مفتوح


    ولا الفرح البِتِم القول


    صدى الغنوات ... يرقِّص حول


    ولا وجّت رياض أطفال


    ولا الموّال


    مركّب بى نسيج الجيـّة


    بى أنغام طبول شدوك


    عشان أضحى الفرح مسحور


    وإيقاع الرقيص .. مكسور


    نسيب الليل البلد ... ينجَمْ


    نطوى الشوق منام


    نتوسد الأحلام


    على صحيان هبـّة نسيم باكر


    لأننا نحن متواعدين


    انا وانت وهدير الكون


    ومن جوّة الضجيج مارقين


    بصوت واحد


    لأننا نحن متواعدين


    على لقيا وبياض خاطر


    وزى ما يكون
    • الرجوع الى أعلى الصفحة
    اخترت ان امضي وحيده

    اخترت ان امضي وحيده

    قلــم فضــي
    قلــم فضــي

    تاريخ تسجيلي: 03/04/2010
    عدد مساهماتي: 302
    • مساهمة رقم 12

    رد: قاسم ابو زيد

    مُساهمة من طرف اخترت ان امضي وحيده في 25/8/2010, 10:07 pm

    ضـــــليت

    ضليت ..

    هرب منى الأمل .. جنيت

    جافانى الشروق .. حنيت

    كنتى معايا .. فى لمـّة

    دليب .. شاشاى

    فى إيقاع حشا المردوم

    فى جيد الزمن .. سوميت
    ************
    مرقت .. على محطات

    السفر .. غربة

    وما لقيتك .. أمل شارد

    مع إنك معاى

    فى زحمة المشوار

    وحتى يقينى عاد من تانى

    صحـّاك من حنين ذاتى
    ..
    نجم الفرحة يا عايد

    *********
    تعالى معاى....

    من زفة نفس مسدار

    وما جرتق فرح .. كانت

    ولا طعم الشقا الروّح

    خطاى هانت

    وإنتى معانى شايلاها القوافى

    معزة فى عمق الفرح .. دوبيت

    وكت ضليت
    ...
    قعدتّ براى .. وحسيتك

    بتطلعى من نفس طورية

    ضامـّة الطين

    ومن دمعة وجع طوّل



    ندا العرق البنادى .. حنين
    • الرجوع الى أعلى الصفحة
    فرح الغلابة

    فرح الغلابة
    كلك نشاط وحيويـــة
    كلك نشاط وحيويـــة

    تاريخ تسجيلي: 10/04/2010
    عدد مساهماتي: 44
    • مساهمة رقم 13

    رد: قاسم ابو زيد

    مُساهمة من طرف فرح الغلابة في 25/8/2010, 11:16 pm

    اختيار موفق يا من اخترتي ان تمشي وحيده
    لك كل الود
    • الرجوع الى أعلى الصفحة
    اخترت ان امضي وحيده

    اخترت ان امضي وحيده

    قلــم فضــي
    قلــم فضــي

    انثى السمك

    تاريخ تسجيلي: 03/04/2010
    عدد مساهماتي: 302
    جنسيتي: سودانيــه
    مقيم في: السودان


    نقاط تفاعلي: 4350
    نقاط سمعتي: 7
    <b>::My:</b> ::My:: مــــــــنو القال ليــك بنتحمـــل فراق عينيــــك


    • مساهمة رقم 14

    رد: قاسم ابو زيد

    مُساهمة من طرف اخترت ان امضي وحيده في 26/8/2010, 8:13 pm

    لك التحية اخت فرح الغلابه
    مشكـــــوره علي المرور
    وقصائد قاسم ابو زيد جميله ويارب اكون نقلته ليكم نقل موفق














    منتديات شباب كلكول



    مااصلو حال الدنيا تسرق منيه في لحظة عشم
    اهو نحنا في الاخر سوا باعنا الهوي ماشين علي سكة عدم
    • الرجوع الى أعلى الصفحة
    « استعرض الموضوع السابق · استعرض الموضوع التالي »

      الوقت/التاريخ الآن هو 22/5/2012, 8:52 pm