منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية

شبكة كلكول خارج الشبكة ياناس اللجنة الشعبية

شاطر
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 17018
نقاط سمعتي : 18
<b>::My:</b> ::My: : ضع رسالتك هنا

شبكة كلكول خارج الشبكة ياناس اللجنة الشعبية

مُساهمة من طرف hego في الخميس 30 سبتمبر 2010, 3:01 pm

في بداية السبعينيات من القرن الماضي تم تركيب الشبكة الداخلية لمياه كلكول تحت شعار ماسورة لكل بيت ـ إكفينا الله شر المواسير ـ ودش لكل حمام ووداعاً حمام الجردل والطشت وإرتاحت الامهات والأخوات من ورود الماء من البحرو( العد) بكسر العين يعني البير للشباب الجدد والبئر للشباب الأجد والجب لناس الكلمات المتقاطعة المهم ومع مرور الأعوام والسنون وتوسعة الحلة ونحن ككل السودانيين ما عندنا النظرة المستقبلية يعني كان عارفين كلكول ناسها بزيدوا وبيوتها بتكتر كان على الأقل نزيد حجم خراطيش المياه الموصلة للشبكة لكي تتحمل الضغط الحاصل الآن الذي أدى بدوره الي قلة المياه في وسط الحلة وندرة في الأطراف وعدم في الأطراف البعيدة وده من بعض الاسباب منها التوصيل العشوائي بدون رقيب يعني أي واحد يجيب ليهو خرطوش مامعروف حجموا كم يربطوا طوالي مع أقرب خط ليهو بدون مراعاة لغيره من الناس المهم مويتو هو تصل وأصبحت المويه مكسرة في كل مكان والغريب في ناس جايبين موتورات كهرباء وانا متأكد ما محتاجيين ليها بس شوفوني عندي موتور وده نوع من الأنانية دخيلة على الحلة ـ طبعاً بقى أقرب الناس للصهريج الموية تصلهم بالجلالةـ أين اللجنة الشعبية من هذا .والمصيبة الكبري الأمراض الغريبة الدخلت الحلة والعيازبالله إحتمال كبير المويه يكون ليها ضلع لانو والله طعم الموية تغير يعني بقت مالحة طبعاً في بعض الأخوة قالو لي خشمك مسيخ براهو والبعض الآخر وافقني الراي شوية ملاحظة منكم الملح على أسطح بعض المواسير وفيها بعض الترسبات الغير معهودة .وموية كلكول كانت ولفترة قريبة أنظف وأحلي مويه بشهادة كل القرى المجاورة احدي قري الجزيرة ليست بعيدة منا عندما لاحظوا التغييرالحاصل في الموية وظهور بعض السرطانات وأمراض الكلي طوالي اللجنة الشعبية شالوا ليهم جركانتين ماودهم معمل في الخرطوم طبعاًعشان خايفين ما يقولوا ليهم دى ملارية ساكت , ودوها وين لندن طوالي والكلام ده قريب ولسه النتيجة ما جات على حسب كلام أحد شباب تلكم القريةـ ـ يعني البمنع شنو يا ناس اللجنة تشيلوا ليكم شوية موية في جردل من الصهريج المصدي ده وتودوها لأخونا أبراهيم عبد الماجد في أمريكا . ومافي مواطن أحسن من مواطن لكن في لجنة شعبية مهتمة بصحة المواطن ولجنة عير مهتمة حاصريين نفسهم في ( تشهد اللجنة الشعبية للرفابة والخدمات بأن المواطن فلان الفلاني من مواليد كلكول ) بالله عليكم الله رقابة شنو وخدمات وينها وكان جينا نتكلم عن النفايات والوسخ عووووووك قدام الحلة الشريط من شجرة العيد ياحليلها شجرة العيد الي نهاية الريافة والمنطقة حول المقابر . ولانتكلم عن الغابة والبركة الموجودة أمام النادي والغابة الموجودة في المركز الصحي والمفروض يكون مكان صحي والغبار في العنابر . ولا الفرن بتاع الظلط أكبر ممون للحلة من الرغيف عن البيئة المخبوز فيها الرغيف وملابس العمال ودرجة نظافة المكان وحجم الرغيف وين الرقابة.ولا بيع الأراضي العشوائي . . وين الرقابة والخدمات . ولا مدارس الأساس والحيط المكسرة والشبابيك المفتحة طوال العام وين الرقابة حتي روضة الفجر لم نسلم من شجر السدر وشجر والعُشر بدل الزهور . أقول ليكم يا ناس اللجنة أخير تتنحوا وتتركوا المجال للشباب والافكار الجديدة .المشكلة الشباب زاتن مختلفين هل نسميها اتحاد كلكول واتحاد شباب كلكول ياخي إن شاء الله تسموها الاتحاد المحلي لكرة المضرب أيه حاجة والسلام . المهم كترت اللجان ما بتنفع ـ شباب حادب على مصلحة القرية + دعم مادي ومعنوي من كل الشباب في الداخل والخارج المهم كلكول فوق أنارة ونظافة وتشجير .... الكلام كتير وحوجة كلكول للخدمات كتيرة جدأًجداً جداً

يتبــــــــــــــــــــــــــــــــــــــــــــــــــــع

[/right]


عدل سابقا من قبل hego في الأربعاء 06 أكتوبر 2010, 10:09 am عدل 1 مرات










منتديات شباب كلكول



HEGGO
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 18644
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

رد: شبكة كلكول خارج الشبكة ياناس اللجنة الشعبية

مُساهمة من طرف ودماسا في الإثنين 04 أكتوبر 2010, 8:04 pm

@hego كتب:
الدخلت الحلة والعيازبالله إحتمال كبير المويه يكون ليها ضلع لانو والله طعم الموية تغير يعني بقت مالحة طبعاً في بعض الأخوة قالو لي خشمك مسيخ براهو والبعض الآخر وافقني الراي شوية ملاحظة منكم الملح على أسطح بعض المواسير وفيها بعض الترسبات الغير معهودة .وموية كلكول كانت ولفترة قريبة أنظف وأحلي مويه بشهادة كل القرى المجاورة احدي قري الجزيرة ليست بعيدة منا عندما لاحظوا التغييرالحاصل في الموية وظهور بعض السرطانات وأمراض الكلي طوالي اللجنة الشعبية شالوا ليهم جركانتين ماودهم معمل في الخرطوم طبعاًعشان خايفين ما يقولوا ليهم دى ملارية ساكت , ودوها وين لندن

[/right]

تحياتي الاخ الحجو علي اللفته البارعة علي الوضع الحالي في كلكول ونحن تحدثنا كثير في هذا المنتدي عن المشاريع وا لمفروض اتعمل في قريتنا كلكول ولا حياة لمن تنادي والعزر الاقبح من الذنب اقولو ليك المغتربين لم يقدمو شي للقريه فاكانو القرية هي خاصة بالمغتربين فقط وهي لهم مع انو لم تقدم لهم اي شي حتي تساهم لهم بقطة ارض بسيطة عشان اعملو عليها بيت خاص وانا بقول الكلام ده مش عشان نلقي مقابل من الشي البقدموه المغتربين كتزكير فقط ولم نقدم شي للقريه من اجل الحصول علي مقابل
والشي اللفت انتباهي هنا في الموضوع الاخ انو موضو ع الموية ودي موضوع في غاية الاهمية الكبري لانو بالجد الموية هي شريان الحياة للانسان وحقيقة لفت انتباهي اكثر تلك القرية المتواضعة التي ذكر الاخ الحجو وضرب بها المثل بان رحلو بعض الجركاتنات الي لندن ونحن ننشاد من هنا اللجنه الشعبية والجهات المسؤولة بالتحرك اذا كان الامر صحيح في موضو ع الموية وتغير طعمها وصارت مالحة ان يبزلو كل مابجهدهم ويتاكدون من تلك المعلومة التي ذكرها اخونا في موضوعة وهي شي مهم نامل النظر اليه بعين الاعتبار
انا اعلم تمام والكل يعلم ان الموضو ع يحتاج الي فلوس واي حركة لابد من توفر سيولة ونحن كاعضاء في منتديات شباب كلكول تحدثنا سابقا كثيرة وفينا من ابدي استعداده لتقديم مابستتطاعته ونناشد الاخوة في المنتدي وخارج المنتدي ان يساهمو انشاء الله بالقيل حتي يتم الموضوع ونتاكد من الشي المذكور في الموضو ع
ونامل من الجهات المسؤولة للمرة الثانية ان يتحركو في الموضوع بصورة جادة
ولك التحية اخي الحجو
وربنا اعافينا واعافي كل مريض
تحياتي ودماسا










منتديات شباب كلكول



وددت لو اهدي مع الايام تزكارا روحا وقلبا وللاحباب ازهارا

    الوقت/التاريخ الآن هو الأربعاء 18 يوليو 2018, 11:33 pm