لغاية فترة قريبة كان بنسمع بس عن حادث تحرش حصل لي بت وقبل مالناس تستوعب الموضوع ويشوفو حل للمشكلة دي بقينا نسمع كمان عن حوادث الاطفال ورغم انو الموضوع كبير بجد بس بنلاقي انو الناس خاتاهو في خانة المسكوت عنه ويبقى مجرد الكلام في الموضوع دا في نظر الناس غلط وحتى في الجرايد بتلاقي عنوان صغير وفي طرف الجريدة اما التلفزيون فشكلو ما جايب خبر
الشي البزعل في الموضوع انو السكات دا في كتير من الحالات بكون من ناس البيت لانهم بكونو خايفين من (القيل والقال) وكأنو الغلطان الطفل او ساعات بقولو انهم خايفين عل نفسيتو رغم انهم وبي سكاتم دا كدا يادوووووووووب ما اثرو عليه ودا يا خلاهو زول خواف او ماعندو ثقة في الناس او بقى زول انطوائي او كمان انو يحاول ينتقم وفي راسو في حاجة واحدة بس (اشمعنى انا)
في الاخر ممكن حاجات كتير يكون السكات ليها علاج بس دا ما واحد ن الحاجات دي وزي ما قالو صبرك علي الحال العوج ما ببقى حل عوجك تغيرو بي ايديك كعبك تفنو علي البحر تبنيلو سد واختى السكات اختى الصبر