منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


سوق الغرام

شاطر
avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 18214
نقاط سمعتي : 8
<b>::My:</b> ::My: : ضع رسالتك هنا

سوق الغرام

مُساهمة من طرف ابو تقوى في الإثنين 24 نوفمبر 2008, 6:24 pm

صاحبنا كان ماشي السوق قاشر..جمعته الصُدفة بوحدة ...
و لسوء الحظ، صاحبتنا ما كانت هاضماهو، و دخلو في مناقرة...
الله وحده بيعلم نهايتها !!!

لقاها يوم في سوق الغرام..
أخونا كان قاشر تمام..
شاكي القميص و كارب الحزام، و الجزمة بتلمع في الظلام..
لابسة اسكيرت و البلوزة...حاجة لخبطت النظام..
أخونا ما بكّاي خلاص، طوالي قام رصّ الكلام..
" هووووي يا بنية، حبيني أوعك تابي ريدي
أنا الناعم زي الفينو..انا الطاعم زي الفتة
ما تبقي مسيخة زي الفتة...أخير ترضي و تريديني"
*أريدك أنا يا عولاك يا عرة يا شحات
يا عرة يا العنقرته مسلولة لبرّه و خشمه مارق لبرّه؟
أريدك أنا يا الكل ما أعاين ليك مورم خشمك بالسفة
و في الكَم مرة شفتك بس تجيني الدوخة و اللفة...أريدك أنا؟؟*
" هوووي استني يا مفجوخة النخرة، غبارك وراكي رابط تقول الزولة دبابة!
* أريدك؟ يا سلامة الريدة..ريدة التابه و اليابه،
هوي يا أبو راس تقول كورة يا أبو شلوفة مبهولة،
يا كبكاب ياريّاله، يا أبو نخرة أتقول ماسورة*
*تريدني أنا السمّوني أمورة،
أريدك انت الدايش الملخوم بأكل الدوم تقول دلدوم!
"شناتك شالت مني النوم يا أبو قدوم،
خلاص سِبتك يا جربانة يا الماسكاكي كاروشة
يا الجزمة الخلاص كملت، قامو رموكي في الكوشة،
يا الطوالي حبوبتك مكملة فيكي برطوشا!
الكان زمان أمك تغمض عشان تشيل بوسة..يا مربوشة يا أوضة وقع حوشا!
"أنا...أنا الطاعم زي الكفتة أنا الناعم زي الفينو
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 18732
نقاط سمعتي : 6
<b>::My:</b> ::My: : Hi EveryBody

رد: سوق الغرام

مُساهمة من طرف amirageeb في الإثنين 24 نوفمبر 2008, 9:19 pm

جميلة هذه الحلمنتيشيات يا ابو تقوى بقدر جمال مطبخنا السوداني والفتات الكانت زمان يا حليلا...
ويا حليل زمن الشارلستون والبرطوش!
هل أنا أخرف؟ ربما ولكن... بالفعل هذه الكلمات أعادتني لزمن جميل؛ ويا حليلنا نحن المخلصين.

لك التحية أخوي و...
كل الود؛










منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
wadelsheikh
نبـض جديــــد
نبـض  جديــــد

ذكر القوس

تاريخ تسجيلي : 10/11/2008
عدد مساهماتي : 30
مقيم في : Sudan


نقاط تفاعلي : 18148
نقاط سمعتي : 0
<b>::My:</b> ::My: :

رد: سوق الغرام

مُساهمة من طرف wadelsheikh في الثلاثاء 25 نوفمبر 2008, 10:55 am

السلام عليكم

تسلم ابو تقوى

موضوعك شديد

والله مية مية

اخوك ود الشيخ

    الوقت/التاريخ الآن هو الأربعاء 17 أكتوبر 2018, 11:08 am