منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


مجرد سعال

شاطر
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15653
نقاط سمعتي : 18
<b>::My:</b> ::My: : ضع رسالتك هنا

رحبوا بي مجرد سعال

مُساهمة من طرف hego في الجمعة 08 مايو 2009, 10:55 am

بسم الله والصلاة والسلام علي رسول الله


انتو ياناس المنتدى كلكول دي شنو ولاكلكول ده منو ومن أين اتت هذه التسمية طبعاً ده سعال حائر في عقول جل الشباب اذا ما كان كل الشباب من الجنسين وما دون سن الـ50 يعرفون سر هذه التسمية وأصلها.غايتو الحاجةالعامة والسائدة في أواسط الشباب تكمن في روايتين و ماعارفين حقيقة الروايتان ـ


أولاً بقولو ا في واحد خواجة اسمه المستر كول ، ومن هنا أتت التسمية ، وهذا قول مردود على أصحابه لان وببساطة شديدة كلكول أقدم من الكسرة قديمة قدم التاريخ يعني أقدم من الخواجه زاتو ـ


ثانياً وهذا الكلام سمعته من من يوثق بروايته وهو من المهتمين بالتاريخ يقول ان كلمة كلكول تعني بلهجة الدناقلة الكسرة والكرم والحمد لله ناس كلكول كلهم كريمين ، لكن برضو هذا القول ضعيف لسبب أن كلكول ليس بها دناقلة لكن إحتمال أنو الدناقلة جوها عابرين ثم بعد ذلك رحلوا الى المناطق الاخري ـ


ولاأقول ليكن خلونا من الاسم ، طيب أول قبيلة دخلت القرية وكونت هذا النسيج الجميل المترابط طيب المعشر والاصل ، في هذا أيضا روايتان


الاولى دخول قبيلة الشكرية المعروفة وكانو يردون ماء كلكول بحكم مهنتهم الرعي عنما كانت كلكول في الضفة الشرقية للنيل الازرق قبل أن يتحول عنها النيل (يعني زعلان يانيل ولاشنو ) ولاكلكول هي الرحلت وخلتك كلكول رحلت من الشرق للغرب ـ دي والله معلومة جديدة في حد عارفها وكلكول عندما جات من الشرق لم تترك أي جزء هناك في الشرق طبعاً قال ليك كلكول دي كانت حنينة جداً ومادايرة تخلي جزء وراها عشان ماتكون كلكول الشرقية وتكون متعبة للناس يعني أهل هنا ونسب هناك ، اسي كان لاقدر الله وجا بكا ساكت ـ ياخي قول عرس مالك انت شوم كده من الصباح خلاص قلنا عرس وأن كان البكا هو البجهجه الناس يقعدوا يفتشوا العربية والكارو والبرينسة ـ دي حاجات قديمة بعرفها عمكم عامر علي ـ المركب جات المركب ماجات البحر زايد والبحر ناقص والهوا والطين والغبار ياخي دي شغلت شنو . عشان كده عرفتوا كلكول أحن عليكم من الحنان زاتو وأعطف من العطف ـ المهم يازول خلينا في موضوعنا قال ليك الشكرية رحلو داخل البطانة وأحتمال تكون كلكول هي الخلتهم بالشرق ،والله أعلم


والرواية الثانية . اول قبيلة سكنت كلكول يقال لهم العنج وديل الظاهر ناس السلطنة الزرقاء ويقال أنهم كانو ناس طوال جداً لدرجة الواحد مابتعب لما يتناول الصمغ من شدر ودأبراهيم يعني لاجباده ولاطلوع شدرة ـ دي محن عمكم عصام الدرديري ـ


ورواية أخر ييعني سامعها طشاش طشاش أنو سكنوها العبدلاب ودي يفتيكم فيها أخونا عامر عجيب ـ


لكن الحاجة المتاكد منها ميه الميه ــ ـ ـ كلكول الحاضر والماضي والمستقبل ـ قاصد مستقبل الشباب ما أنتو ياأولاد الدفعة ـ كلكول شدر ودأبراهيم والغابة وكلكول شدرة أمسترين وشدرة الزاكي وشدرة أحمد ودسليمان والبقر والريافة والفادنية وفريق الضو والقون والنادي والتبس وشدرة البكري أبوحراز والجروف و النخل وعشة دانقا ومدرسة كلكول الابتدائية المختلطة والخريمة شدرة العيد الالفة والمحبة لاقبلية ولاجهوية بس ـ كلكولية ـ يعني أيا كان الاسم ومعناه والقبيلة الحمد لله الذي أخرج منا نسيج مترابط متعاون في الهينة والقاسية ـ بسوصيتي لكم ـ ـ يالمغتربين عن أرض الوطن ما تقصروافي حق كلكول وأهل كلكول أدوها بقدر ماأدتكم ـ وفتشوا أي قاموس بتجدوا قبيلة كلكول ـ


معليش طولت عليكم بس دايرين مؤرخ يوثق لنا ماتبقي من تراث القرية وتعريف الاجيال الحالية والقادمة باذن الله بعظمة موطنهم الصغير ـ


في الختام الشكر موصول للقائمين على أمر هذا المنتدى النافذة الالكترونية على العالم وعلى راسهم الاستاذ عامر عجيب وأخوته الطيبن ـ ـ ـ










منتديات شباب كلكول



HEGGO
avatar
المحجوب
مراقب عـــام

ذكر الجدي

تاريخ تسجيلي : 03/01/2009
عدد مساهماتي : 56
جنسيتي : سوداني
مقيم في : السودان


نقاط تفاعلي : 16140
نقاط سمعتي : 2
<b>::My:</b> ::My: : مرحبا بكم

رحبوا بي رد: مجرد سعال

مُساهمة من طرف المحجوب في الجمعة 08 مايو 2009, 12:45 pm

hego كتب:
بسم الله والصلاة والسلام علي رسول الله


انتو ياناس المنتدى كلكول دي شنو ولاكلكول ده منو ومن أين اتت هذه التسمية طبعاً ده سعال عجيب وأخوته الطيبن ـ ـ ـ
الاخ حجو كيف حالك يااخي بالراحة علي بعض اعضاء المنتدي فهنالك مفردات ربما ظن البغض انها مصطلحات لاتينية .كل ماذكرته اخي فهو صحيح ضف الي ذلك رواية اخري مفادها ان هذه المنطقة سكنها رجل وزوجته من الزنوج الزوجة كل (بكسر الكاف) والزوج كول لذلك اطلق الناس علي تلك المنطقة اسم كلكول. سؤال: اشلي كول وكل وكول عليك الله ما قرابة بيناتهم؟
ملحوظة : خلي عامر يعمل هامش صغير لامعني بعض ما ورد في الموضوع حتي يتيسر لبعض الاعضاء فهم الموضوع كاملا. احذرك من شرح عيسي .
avatar
benyamin
هلـَّتْ الأتــــوار
هلـَّتْ الأتــــوار

ذكر الدلو

تاريخ تسجيلي : 04/05/2009
عدد مساهماتي : 16
جنسيتي : سودانى
مقيم في : ukraine


نقاط تفاعلي : 15469
نقاط سمعتي : 1
<b>::My:</b> ::My: : ضع رسالتك هنا

رحبوا بي رد: مجرد سعال

مُساهمة من طرف benyamin في الجمعة 08 مايو 2009, 1:28 pm

الحاج يادفعة بوست روعة لكن زعلتنى ياخى تذكر من ضمن سردك عشة دانقا وتنسى سُرتيق؟؟؟؟ياخى دا كان أشهر ثنائى ما تقول لى روميو وجوليت !!!!..ورائهم أسرار ياريت من يفيدنا بجزء من تاريخهم
وذكرتنا النخل والدُفيق..الضراب والخدراوية وأم سلالم وبت الموية وبخيتة(السمحة)دى من عندى

أما بالنسبة للتاريخ بجيك راجع..أحجز لى مكان عندى إجتماع بينتهى متأخر..وأترك الفرصة لأخونا دفعة عامر على
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15653
نقاط سمعتي : 18
<b>::My:</b> ::My: : ضع رسالتك هنا

رحبوا بي رد: مجرد سعال

مُساهمة من طرف hego في الجمعة 08 مايو 2009, 2:20 pm

حبينبا ود المحجوب شكراً على المداخلة والمعلومة الجديدة لانو أناعارفك قديم فى التراث ـ وانشاء الله الأخ عيسى شرحو يكون مع المعلومات الخفيه علينا ـ ـ
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15653
نقاط سمعتي : 18
<b>::My:</b> ::My: : ضع رسالتك هنا

رحبوا بي رد: مجرد سعال

مُساهمة من طرف hego في الجمعة 08 مايو 2009, 2:39 pm

كيف حالك يادفعة والله نحن محتاجين من يذكرنا تاريخ قريتنا وانت في هذا المجال لاغبار عليك أما أخوك ناسي الكتييييييير الكتييييير جداً ــ ـ ـ
وأتحفنا بمقالاتك في هذا المجال ـ ـ
avatar
المحجوب
مراقب عـــام

ذكر الجدي

تاريخ تسجيلي : 03/01/2009
عدد مساهماتي : 56
جنسيتي : سوداني
مقيم في : السودان


نقاط تفاعلي : 16140
نقاط سمعتي : 2
<b>::My:</b> ::My: : مرحبا بكم

رحبوا بي رد: مجرد سعال

مُساهمة من طرف المحجوب في الجمعة 08 مايو 2009, 4:13 pm

[/i]اخوك ما قديم للدرجة دي لكن بعرف من اين تاتي المعلومة وممن من ؟ الغربة ما تنسيك انت منو وكنت شنو زمان زمن بتعرفها وهي طايرة ما نحن دافنينو سوا ياحجو .[/b]
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 16912
نقاط سمعتي : 6
<b>::My:</b> ::My: : Hi EveryBody

رحبوا بي رد: مجرد سعال

مُساهمة من طرف amirageeb في الجمعة 08 مايو 2009, 9:20 pm

حيا الله الجميع؛

شكراً لك الأخ الحجو على طرح هذا الموضوع القيَّمْ

وكذلك الشكر موصول للإخوة الرفاق الذين فرقت بيننا وبينهم السبل... مداخلات جيدة نأمل أن تكون نواة حوار هادف يعرف بكلكول بدءاً من اسمها الذي يبدو غريباً لدرجة أنه حير الأخ الحجو وهو قديم قدم القرية نفيها.

مداخلة الأخ العزيز الدكتور أثارت فينا الشجون والجنون! تفاصيل القرية الدقيقة التي ظللنا نحتفظ بها ومازلنا، مازالت تزحم مساحة مقدرة من جماجمنا التي نخرتها الهموم والغربة ولكن... مع ذلك تظل ملامح من عشة دنقة وآدم سرتيق والميترة "على قولة ناس الكاملين" تظل باقية ما بقينا على ظهر هذا الكون الفسيح.

بالنسبة لاسم القرية لعل الروايات تختلف كما ذكر الأخ حجو والأخ محمد وغيرهم... أنا لن أضيف شيئاً في هذا الخصوص ولكني كنت ذكرت بعض الروايات في موضوع سابق على منبر كلكوليات باسم "كلكول ذلك الحلم الجميل."

ومع ذلك أجدني اتفق كثيراً مع الأخ الحجو في تضعيف بعض الروايات التي لا تصمد أمام التحليل التاريخي البسيط... فإذا كانت كلكول كقرية قديمة قدم التاريخ نفسه - ولعني للتقريب اذكر أن أحدى الروايات تشير إلى أن كلكول كانت في الوجود قبل مدينة الكاملين بنحو ثلاثمئة سنة - حينها كانت الكاملين هي خور ومكمن حسب الرواية حيث تحور الاسم من الكامنين إلى الكاملين.

على العموم الموضوع يطول... وفي اعتقادي أن هنالك مصادر كثيرة يمكن الرجوع إليها للتعرف على تاريخ كلكول واصلها ولكن للأسف لم أجد أي شيء يفيدني في هذا الصدد في هذه الشبكة العنكبوتية العريضة.

نأمل أن يكون الموضوع فاتحة حوار يصل في خاتمة المطاف لبعض الحقائق التي تخص هذه القرية الجملية بأهلها ورموزها وطقوسها وقمريها ونيلها ونخيلها و.... الكثير الذي لا يمكن أن نحصره في مساحة كهذه.

شكراً لكم جميعاً مع التحية و...
كل الود؛










منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 17279
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

رحبوا بي رد: مجرد سعال

مُساهمة من طرف ودماسا في السبت 09 مايو 2009, 10:13 am

مشكورالاخ حجو علي المعلومات عن كلكول حقيقتا اول مره اعرف ان كلكول كانت بالشرق ورحلت بالغرب ونحمد الله كثيرا علي ذلك والمعلومه التي ذكرها الاخ المحجوب وله التحية وتقريبا علي حد سمعي تلك الروايتان التي ذكرتهما يرجع الاسم لهما وعلي العموم مها اختلفت الرؤايات فكلكول هي كلكول تكل القرية الجميل وطيبت اهلها وكرمهم و التي ترقد هادئة مطمئنة علي الضفة الغربية للنيل ونأمل ان يتواصل السرد عن كلكول والمعلومات الصحية وكل من يمتلك معلومة عن الحبيبه كلكول
ولك التحية
ودماسا










منتديات شباب كلكول



وددت لو اهدي مع الايام تزكارا روحا وقلبا وللاحباب ازهارا
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16867
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

رحبوا بي رد: مجرد سعال

مُساهمة من طرف issa في الأحد 10 مايو 2009, 12:31 pm

السلام عليكم ورحمة الله وبركاته ،

الشكر اجزله للحاج محمود على فذلكته التاريخية للقرية،
والشكر من بعد لجميع الاخوة المتداخلين فى الموضوع ،

بحسب سنى عمرى الصغيرة ( مقارنة بكم )فاننى اجد نفسى اقرب الى موقع المستمع الجيد ولكننى مع ذلك باحث لا بأس به فى مجال التاريخ .

الاسماء لا تعلل ...هكذا تعلمنا منذ الصغر ...وفى كثير من الاحيان قد يكون للاسم مدلول معين اراد له صاحبه ان يكون عليه ،وقد تعودنا نحن فى السودان ان نعزى اغلب اسماء المدن والقرى الى اسماء خواجات او حيوانات او اجزاء من جسم الانسان والحيوان ،لذا تجد اغلب التفسيرات للاسماء لا تخرج عن ذلك.

وللحقيقة فقد تقصيت عن اسم كلكول برغم اننى لا أومن بنظرية تفسير الاسم ولى مداخلة سابقة فى منبر كلكول حول هذا الخصوص ، فوجدت ان الرواية الثانية حسب ماذكرالاخ الحاج هى الاقرب الى الصحة حيث تقول الرواية ان كلمة كلكول هى فى الاصل كلمة نوبية بلهجة الدناقلة كلمة مشتقة ومركبة من كلمتين ،كلمة (كل) -بفتح الكاف واللام- وتعنى الاكل وكلمة ( كول) تشير الى الملكية وتعنى (العندو) فتصبح كلمة كلكول تعنى العندو الاكل ،اى الذى يبذل الاكل الكثير والمتاح للناس وهى بالتالى صفة للكرم والجود كما ذهب الى ذلك تفسير الاخ محمود.

وهنالك كلمات اخرى على شاكلة كلكول فى لهجة الدناقلة فعلى سبيل المثال لا الحصر امبكول بضم الالف والميم ،فالامبو هو جزع النخلة عند الدناقلة فتصير الكلمة العندو الكثير من جزوع النخل وهى تشير ايضا الى الكرم .

ولا يعنى باى حال من الاحوال عدم وجود الدناقلة بالقرية ان هذا التفسير غير صحيح ولا تضعف ابداً الرواية ولا التحليل التاريخى البسيط كما يقول صديقى عامر والشواهد على ذلك كثيرة .

اغلب الظن أن الدناقلة كانوا يمرون بالمنطقة عن عمد فيجدون صاحب الاكل فى انتظارهم على قارعة الطريق حيث الاكل كثير ومتاح ومبذول لعابرى الطريق ،فكانوا يقولون فى كل مرة لنذهب فى طريق صاحب الاكل الكثير بلغتهم(كلـ كول)،حتى صارت المنطقة تعرف بذلك الاسم والله اعلم.

ولا عزاء لصديقى اللدود المحجوب فقد جافى الحقيقة


هذا مع فائق شكرى وتقديرى










منتديات شباب كلكول



على قدر اهل العزم تأتى العزائم
avatar
المحجوب
مراقب عـــام

ذكر الجدي

تاريخ تسجيلي : 03/01/2009
عدد مساهماتي : 56
جنسيتي : سوداني
مقيم في : السودان


نقاط تفاعلي : 16140
نقاط سمعتي : 2
<b>::My:</b> ::My: : مرحبا بكم

رحبوا بي رد: مجرد سعال

مُساهمة من طرف المحجوب في الجمعة 15 مايو 2009, 9:05 am

[quote="issa"][right][b]السلام عليكم ورحمة الله وبركاته ،

الشكر اجزله للحاج محمود على فذلكته التاريخية للقرية،
والشكر من بعد لجميع الاخوة المتداخلين فى الموضوع
اخي عيسي لقد حذرت الاخ محمود من تفسير ىي معني يخص هذا الموضوع لكن كما يقول المثل المرض التخاف منو يقتلك وها انت تدلو برايك من دون ان يطرف لك جفن كانك عالم ببواطن مثل هذه الامور مع العلم انه ورد في ردك بعض ما يحمله من صحة حول هذا الموضوع .شكرا لك صديقي علي هذه الاضافة لكن اطلب منك مزيدا من البحث حتي يتبين لك صحة ما اوردته سابقا .
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 16912
نقاط سمعتي : 6
<b>::My:</b> ::My: : Hi EveryBody

رحبوا بي رد: مجرد سعال

مُساهمة من طرف amirageeb في الإثنين 25 مايو 2009, 9:56 pm

<<UP>>
^^^^^^^^^^
^^^^^^^^^
^^^^^^^^
^^^^^^^
^^^^^^
^^^^^
^^^^
^^^
^^
^
<<UP>>











منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16867
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

رحبوا بي رد: مجرد سعال

مُساهمة من طرف issa في الأحد 12 يوليو 2009, 3:25 pm

<>
<>
<>
<>
<>
<>
<>
<>










منتديات شباب كلكول



على قدر اهل العزم تأتى العزائم
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17576
نقاط سمعتي : 13
<b>::My:</b> ::My: : $عيون في الغربـــة بكاية$

رحبوا بي رد: مجرد سعال

مُساهمة من طرف blueshade في الإثنين 17 أغسطس 2009, 10:47 pm

يا أخواننا سؤال الحجو دا ما زال قائماً وما زلنا ننتظر بعض من معلومات فهل نبذل مزيداً من الجهد في الحصول عليها؟

يا الله ورونا معرفتكم لتاريخ كلكولكم عشان الناس التانين يعرفوا كمان.











منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15653
نقاط سمعتي : 18
<b>::My:</b> ::My: : ضع رسالتك هنا

رحبوا بي رد: مجرد سعال

مُساهمة من طرف hego في الأربعاء 19 أغسطس 2009, 8:52 am

والله ياعامر السؤال مازال قائم ولم نجد الاجابة الشافية

ودايرين نشوف راي الاخوان وبالاخص أخونا قصب

لانو أحتمال تكون عندو خلفية تاريخية لانو متكوبر شويه

وكان بجالس الناس الكبار في الخلوة ـ والاخ الديبة لانو زي

ماقال عمر عباس بكتل حيله وبشر بالكلام ـ وبقية الاخوة

وكل من يملك معلومة مفيدة










منتديات شباب كلكول



HEGGO
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 15334
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رحبوا بي رد: مجرد سعال

مُساهمة من طرف قصب في الأربعاء 19 أغسطس 2009, 5:43 pm

ولى زمااااااان زماااااان زمااااااان يا الخلوة
تخيل معى اخى آآآسف عمى الحجو تدخل على الخلوة وتلقاها حاضنة اغلب رموز الحلة فى نسيج اجتماعى نأمل
ان يمتد بين الاجيال القادمة ، اعمامنا الاجلاء ...
محمد على بابكر (رحمه الله)
بابكر حسن
حسن ابو الكلام
استاذ خالد بابكر (رحمه الله)
عبدالرحمن ابو قنس (رحمه الله)
الطيب فضل الله (رحمه الله)
محمد الطيب محمد طه(رحمه الله)
على الحلاوى
الشريف محمد عثمان الذبن (رحمه الله)
الخليفة حمد (رحمه الله)
السر حامد (الكتاحة )
سعيد حمد
والوالد حسب الرسول (رحمه الله)
وما انسى عم بدوى ذلك الرجل الطيب الذى اتحرق شوقا لرؤيتة
وبرغم صمتة الا انك تلحظ فى ضحكتة وقهقهتة كلام وكلام ،
والكثيرون الذين لم احصرهم وسوف احصرهم بكل تأكيد لاحقا .
وزى ما قلت يا الحجو كنت متكوبر شوية وبطبيعة وضعى كنت محتك
بهم كثيرا بجيب الموية والشاى واملى الاباريق للوضو وطبعا كل
ما اجيب لى حاجة بكسر ركبة بى الجنبة اسع لى معلومة ولى معلومتين اخزنها فى راسى لليوم الاسود واكيد بتنفع
وطبعا كل واحد فيهم عندو طرفة تدمع لها العين من الضحك (دا موضوع حا أجى ليو برايو
فى سرد فكاهى فى مساحة اكبر ) .
وطبعا الموت غيب من دنيانا اكثرهم والغريب فى الامر ان موتهم كان فى تسلسل واحد اي كل واحد تلو الآخر وبفترات متقاربة لحكمة يعلمها الله سبحانة وتعالى وبرحيلهم انطفى بريق الخلوة الذى استنرنا منه كثيرا وتشبعنا منه من شتى
المجالات الاجتماعية والسياسية بحكم انهم كانوا ينتمون الى احزاب مختلفة وما اجمل نقاشاتهم التى يسودها الهدوء
و النفعية.
والله يا عم الحجو كلهم حكم وزى ما قالت الست ( قول للزمن ارجع)
ارجع ويا ريت لو نرجع ليها عشان ترجع ايام هنانا وعشان نرجع للطيبة والنقاء والمعدن السمح ونرجع للسميح .
نرجع لى كلكول
سمعت ذات جلسة الاستاذ المرحوم خالد بابكر يتحدث عن تسمية كلكول وقد كان كلام التسمية يندرج تحت المعنى
الذى ذكرتة عمنا الحجو الكسرة والكرم ومدت اللقمة للجيعان والمروة والنجدة يعنى الاسم جاي مفصل على كلكول بالمقاس ،
الروايات كثيرة اخوانى وكلها تعنى شي واحد ...


كلكول


مع خالص حبى لك ايتها الحبيبة


ويا رب يارب يارب

نعود

::

قصب
avatar
اخترت ان امضي وحيده

قلــم فضــي
قلــم فضــي

انثى السمك

تاريخ تسجيلي : 03/04/2010
عدد مساهماتي : 302
جنسيتي : سودانيــه
مقيم في : السودان


نقاط تفاعلي : 14225
نقاط سمعتي : 7
<b>::My:</b> ::My: : مــــــــنو القال ليــك بنتحمـــل فراق عينيــــك


رحبوا بي رد: مجرد سعال

مُساهمة من طرف اخترت ان امضي وحيده في الثلاثاء 06 أبريل 2010, 9:36 pm

كلكول ياطيبه
اما انا اصغر منكم كلكم ومن خلال موضوعكم عرفته معاني ما كنته بعرفه ماعدا انو كلكول تسميتها ترجع للخواجه كول ودائما لما زول يسألني عن معناها برد الرد ده ...
شكر لكم اساتذتي الاجلاء










منتديات شباب كلكول



مااصلو حال الدنيا تسرق منيه في لحظة عشم
اهو نحنا في الاخر سوا باعنا الهوي ماشين علي سكة عدم
avatar
فلسطيني غزاوي
هلـَّتْ الأتــــوار
هلـَّتْ الأتــــوار

ذكر الدلو

تاريخ تسجيلي : 19/01/2011
عدد مساهماتي : 7
مقيم في : فلسطين


نقاط تفاعلي : 12329
نقاط سمعتي : 0
<b>::My:</b> ::My: : ضع رسالتك هنا

رحبوا بي رد: مجرد سعال

مُساهمة من طرف فلسطيني غزاوي في الأربعاء 19 يناير 2011, 12:32 pm

السلام عليكم
اذكركم بقول المصطفي محمد صلي الله عليه و اله و سلم قال:من يؤمن بالله و اليوم الاخر فليكرم ضيفه
وملخص ما قلتم ان اصل كلكول صفة للكرم والجود
بارك الله فيكم

    الوقت/التاريخ الآن هو الأربعاء 18 أكتوبر 2017, 3:12 am