منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


مصطفى سيد أحمد

شاطر
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

مصطفى سيد أحمد

مُساهمة من طرف عابر سبيل في الأحد 09 أغسطس 2009, 7:34 pm

أطل كسحابة عابرة ابتل بشحيح مائها سطح الأرض وما يزال باطنها يتوق إليها, رحل كضوء البرق لم تكد تراه الأعين بوضوح فذهب والجميع في دهشة وهلع!!!

من هو؟؟؟ انه كرواننا الراحل المقيم الأستاذ الفنان المبدع مصطفى سيد أحمد المقبول.

لم يكن رحيل الفنان مصطفى سيد أحمد عن حياتنا مثل رحيل كل الناس..... كان لرحيله معنى وطعم مختلفين تماماً.

امتلأ هذا الوطن ببحيرات وبرك الدموع التي ذرفت من قبل أصحابه , عشاق فنه ومحبيه ...... جاء كحلم رائع ورحل كطيف مسرع........ لم يبقى كثيرا .

ولد الراحل مصطفى سيد أحمد بقرية ودسلفاب شمال الجزيرة قرب الحصاحيصا عام 1953فى بيت ملئ بالثقافة والفن, فأخوه المرحوم المقبول سيد أحمد المقبول كان شاعرا وهو شاعر كلمات (السمحة قالوا مرحلة) وقد كان له الفضل الأكبر في نشأة مصطفى الفنية.

تنقل كرواننا في مراحل التعليم المختلفة ثم التحق بمعهد تدريب المعلمين بأمدرمان حيث أصبح مدرساً للمدارس الثانوية العامة ثم قدم استقالته ليلتحق بمعهد الموسيقى والمسرح.

انطلق عام 1976 وكان بدايته بـ (غدار دموعك) وهى من كلماته ومن اجل روعة الكلمة وصفاء اللحن شدت انتباه الجميع ثم اتجه إليه كبار الشعراء مثل: صلاح حاج سعيد , قاسم أبو زيد ، محمد الحسن سالم حميد , أزهري محمد على , مدني النخلي , عبد القادر الكتيابي , الصادق الرضي، جمال حسن سعيد وهاشم صديق ,,,, والكثيرون من درر هذا الوطن الحبيب الذين قدموا أعمالا قيمة .

تعامل مع قمم الملحنين إلا انه اتجه إلى تلحين أعماله بنفسه.

تزوج مصطفى سيد أحمد من بثينة وولد ابنان سيد أحمد (ود سلفاب) , و سامر (الحلبي).

ما يميز مصطفى سيد أحمد عن غيره في جانب الإيمان بالفن القيم هو أن مصطفى خاطب العقل والقلب معا ، فمن أستمع له مرة يحس وكأنه استمع له مئات المرات، فحنجرته الذهبية وإيمانه القوى بـعـمـليــة البناء اللحني، هي التي جعلتنا من غير وعي نتمسك به.

توفى رحمة الله عليه بعد صراع طويل مع مرض (الفشل الكلوي) بالدوحة وكان وفياً لجماهيره حتى آخر لحظة ... وفي ود سلفاب وفى جو مشحون بالحــزن ورى جثمانه الثرى.

رحل مصطفى!!! ولكن صداه ما زال يطرب آذاننا،،، وما زالت كلماته تشجينا،،،

فعبر منتدى منتديات شباب كلكول نفرد هذه المساحة لمحبي ومعجبي الفنان الرائع الأستاذ مصطفى سيد أحمد لنتناول فيها بعض كلمات أغانيه الرائعة،، وهذه دعوة للجميع ولكل من يعشق فنه وكلماته وأغانيه للمشاركة والمساهمة في تكوين مكتبة مقروءة لكل الشعراء الذين تغنى لهم.
ننتظر مساهماتكم ومشاركاتكم


عدل سابقا من قبل عابر سبيل في الخميس 13 أغسطس 2009, 1:22 am عدل 1 مرات










منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 17309
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

رد: مصطفى سيد أحمد

مُساهمة من طرف ودماسا في الأحد 09 أغسطس 2009, 10:44 pm





تحياتي الاخ عابر سبيل
من منا لايعرف الفان االقامة صاحب الصوت الطروب والكلما ت الدافئية التي تريح الاعصاب ذلك الكروان الطروب الراحل المقيم الاستاذ مصطفي سيد احمد ونسال الله له الرحمة بقدرمنا اعطي من فن اصيل
قد رحل عنا تلك الفنان الشجي ولكن سوف تبقي كلماته وصوته يرن ويشجي في دواخلنا باغنياتة التي تذهب الهم والغم والحزن
مهما قلنا او كتبنا لا نعطي هذا القامة جزاء قليل من مانحمل له في دواخلنا من اعمال لازل صداها يرن في قلوبنا
وانشاء الله قريبا سوف انزل كلمات الاغاني للاستاذ مطفي سيد احمد او مااتمكن من الحصول علية
واخيرا نسال الله للفنان مصطفي الرحمة
تحياتي



ودماسا












منتديات شباب كلكول



[ندعوك للتسجيل في المنتدى أو التعريف بنفسك لمعاينة هذه الصورة] وددت لو اهدي مع الايام تزكارا روحا وقلبا وللاحباب ازهارا [ندعوك للتسجيل في المنتدى أو التعريف بنفسك لمعاينة هذه الصورة]
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 15364
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رد: مصطفى سيد أحمد

مُساهمة من طرف قصب في الإثنين 10 أغسطس 2009, 5:06 pm

لك الود عابر سبيل
مصطفى يكفية انه تغنى ب...
كل ما تباعد بينا عوارض..... كل ما هواك يا طيبة مكنى
طيبه كلكول ... طيبة الام... طيبة الحبيبة...
طيبة اي اجة حلوة بنشوفا فى حياتنا .
ودايما هواها يتحكر فى سويداء الفؤاد
انا الان بحوزتى اكثر من ثلاث ارباع اغانى الاستاذ ولكن المشكلة فى انى ما لاقى زمن لسردها فى المنتدى ولكن سوف استعين بالاخ مبشر حتى نستطيع ان نضع كل الاغانى تحت اعين الاخوة اعضاء المنتدى والزوار
ودائما وابدا...
ما معنى ان نحى ولا ندرى بأن العشق قد يبقى سجينا فى.....
الكلام بطول .
مع خاص التحايا لك اخى العابر
قصب
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

رد: مصطفى سيد أحمد

مُساهمة من طرف blueshade في الثلاثاء 11 أغسطس 2009, 7:35 pm

تم تثبيت الموضوع كنواة لمكتبة شاملة للفنان الراحل مصطفى سيد أحمد مع التحية لعابر سبيل.

تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 17309
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

رد: مصطفى سيد أحمد

مُساهمة من طرف ودماسا في الثلاثاء 11 أغسطس 2009, 11:01 pm


دعماً للمسيرة نواصل
***عينيك مدن ***

كلمات الشاعر/ صلاح حاج سعيد

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن











منتديات شباب كلكول



[ندعوك للتسجيل في المنتدى أو التعريف بنفسك لمعاينة هذه الصورة] وددت لو اهدي مع الايام تزكارا روحا وقلبا وللاحباب ازهارا [ندعوك للتسجيل في المنتدى أو التعريف بنفسك لمعاينة هذه الصورة]
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الأربعاء 12 أغسطس 2009, 6:29 pm

شكراً الأخ / ود ماسا
شكراً الأخ/ قصب
شكراً أستاذنا / عامر

كما ذكر الأخ والأستاذ عامر نحن نريد فعلاً أن تكون هناك مكتبة شاملة لأغاني الفنان مصطفى سيدأحمد
ونحن نسعى أن تكون هذه المكتبة مميزة عن بقية المكتبات في المنتديات الأخرى
من حيث التحري والدقة في نقل المعلومات وكلمات الأغاني وترتيبها حسب الأقدمية إن أمكن ذلك ...
وضرورة توثيق كلمات الأغنية وشاعرها










منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
aldeeba
قـلــم على الطريـــق
قـلــم على الطريـــق

ذكر الجدي

تاريخ تسجيلي : 23/11/2008
عدد مساهماتي : 155
مقيم في : UAE


نقاط تفاعلي : 16564
نقاط سمعتي : 14
<b>::My:</b> ::My: : التختارو لي لاشك جميل ياجميل‏

رد: مصطفى سيد أحمد

مُساهمة من طرف aldeeba في الخميس 13 أغسطس 2009, 5:50 pm

لا لا لا لا لالا لا لالا.........


دة مارفض للموضوع ولا للفكرة...رغم صوتي المشروخ لكنني كنت ادندن باحدى روايع الرائع.... سامحوني لكن كويس انكم ماسمعتوني
شكرا العابر على تحريك كل شي جميل ظل راكدا بالدواخل جراء العمل والروتين... فانك ليس ببعيد من الابداع والمبدعين(من زمن بلح المدينة وقبلها)
سنعود انشاء الله...........................
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

رد: مصطفى سيد أحمد

مُساهمة من طرف blueshade في الإثنين 24 أغسطس 2009, 11:27 pm


يا خوانا البوست دا نسيتو ولا شنو؟



ودماسا وقصب همتكم معانا عشان نملأ البوست بروائع الفن الجميل.


تحياتي؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الثلاثاء 01 سبتمبر 2009, 10:25 pm

مصطفى سيدأحمد فى بوح حميم




رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:

الحب ماذا يعـنى لديك ؟

* ولازلت أذكـر نـبـرات صوته وهى ترن فى أذنى قائلاً: الحب يـقـترن فى داخلى باللون البنفسج .. فيه هدوء الأزرق وسخونة الأحمر... وبتعادلهما يصير دافـئاً.

وحتى لا يفـلت مناخ اللحظة منى قلت له : (غدّار دموعك )؟

إمـتـدت لحـظة مـن الصمت .. ســـرح فيها طويلاً .. حتى خـلته يتجاهل الإجابة على سؤالى .. وهى عادته فى مواجهة بعض الأسئلة ... إلاّ أن صوته إنتشــلنى من خيالى وهو يقول :

غـــــدّار كانت نـتـــاج تجربة واقعية ... عندما كانت العواطف يافعة .. فى زمان غير الزمان .. ومــكــان غــيـــر المكان .. إشـتعل الإحساس البكر مغالطاً لترتيب الواقع والمجتمع .. وخبأ ونحن نستوحـش السير بدونه ...

- قلت له : هــــذه إجابــة جميلة .. أنا أسأل عن تفاصيل تـفـسـير .. دون الخوض فى تفاصيل دقـيقـة؟

* أجابنى : تفاصيل ليسـت للنشـر .. غير ذلك لا ..

- قلت له فـليكن .. وحكى لى مصطفى التفاصيل ... وإختتمها قائلاً: أنا أحـترم أمانتك المهنية ... فأجبته : وأنـــا أحترم ثـقـتــك فىّ..... إذن حـدّثـنى عن ( ضياع العشم ) و ( الغصّة ) الذان وردا فى غدّار دموعك.

* أجـاب : ضـيـاع العـشــم هو إنطفاء شمعة المـستوحـش ... والغصّة لغةً .. هى ما يعـترض الحـلــق عــنــد الـفجـيــعة .. وإحساساً هى المفازة التى يمتد خـلفها الطريق المعبّد !

طفولة

- فى طفولتك .. هل كنت شقياً؟

* ويعود مصطفى بخياله إلى زمن البراءة ... والشـقـاوة ، ويقول ضاحكاً : نعم كنت شـقـياً .. بل حاد الطباع ، كثير الإنفعال .. وألتقـط كل ما يدور حـولى من معلومات من الكبار .. وأتمرد عليها عندما يحدث التناقـض .

- وفى دراستك .. هل كنت ذكياً؟

* لم أكــن أحـب الإسـتـذكار الكثـيـر .. بل لم أكن أحب المقررات المدرسية ، وكنت أهرب كثيراً منها للإطّلاع الخاص .

- نـقـطة ضعف .. ما هى ؟

* المجامـلة .. والإحساس بالزمن .. حيث يكون تافهاً عند البعض.

- ومصدر نفـورك ؟

* النفاق .. ونقـص القادرين على التمام .

- ومصدر خوفـك ؟

سـباق الزمن .. حيث أن الحـياة قـصيرة .

- متى فرح قلبك ؟

* حلمت البارحة بالجـدب إخضراراً .. وبالخواء إمتلاءاً... والإنكسار شـموخاً ... والفرح والصدق يلوّنان هذا المهرجان .

- هذه أفـراح الحـلم .. فأين أفــراح الواقع ؟

* يا صديقى .. تـتـداخـل أحـلامى مع واقـعى لأبـقى ..

- هل تشـعـر بالسـعادة .. ومـتى ؟

* السـعادة هى الرضاء .. والرضاء لا يـتوفـر فى الأزمـنة العجـفـاء .. بـل فى تـلك التى تمـتلىْ مشاركةً .. وتوافـقاً .. وإنسجاماً ..

- ما الذى يشعرك بالإضطّهاد ؟

* عندما أحس بأننى قادر ... وأشعر أن الآخرين يقـفون حائلاً بينى وبين إستطاعتى .

- هل صحيح أن الوعود ..أرخص هدية تـقـدّم فى الأزمات ؟

* أنا شخصياً لا أحب الربت على الكتف.

- قلت له : المرأة .. هل ملهمة عاطفة أم شريك وعقل ؟

* العاطفة والعقل هـما الإلهام الذى يفجره الإنسان .. رجلاً كان أم إمرأة ..

- المرأة أم الرجل .. أيهما أصدق فى الحب وأوفى ؟

* كلاهـما صادق إذا تـوفـر التوافـق والإنسـجام .

- وفى الكراهـية؟

* كلاهـما أيضاً أصـدق فى الكراهية .. حيث أنـهـما دائماً واتـر .. ومـوتـور ..

- هل توافـق عـلى أن وراء كـل رجـل عـظـيـم .. إمرأة تـعـذبـه ؟

* هـذا إذا كـان مـعـدن الرجل لا يـجـديـه الـطـرق الا ..وهو سـاخـن .

- سلاح المرأة مع الرجـل من وجهة نـظرك ؟

* هو الخيار الوحيد الذى تركه الرجل فى يدها ..

- وما هـو ؟

* السلاح الذى تستعمله !!

حـــــرمـــــــــان

- المرأة تـذبـل إذا فـقـدت الرجل .. الرجـل ماذا يحـدث له إذا حـرم من المرأة ؟

* يـجـف فيه نـبـض الإنسـانـيـة .. ويـصـيـبـه القحط العاطفى .. وخواء المشاعر .. ويتعاطى الحياة كما لو كان يسف نشارة الخـشـب .

- هل سبق أن شعرت بملل .. وأنت تـتـحـدث مع إمـرأة جـمـيـلـة ؟

* عـنـدما تـعـطـيـنى الإحسـاس بأننى أتحدث إلى دمـيـة فى إحـدى فـتريـنـات شـارع الجمهورية !!

- المـرأة المـثـقـفـة .. فى بـيـت الـزوجـيـة .. ماذا تـعـنى ؟

* تـعـنى إمـكانيـات إنـسجام عـالية إذا أقـر الطرفـان مبـدأ التوافـق .. وليس التطاول .. حيث يستحيل الأخير .

- متى تطلع الشعيرات البيضاء .. فلى قلبك ؟

* عنـدما يـتـضاءل إحساسى بالحب .. والحياة.

ـــــــــــــــــــــــــــــــــــــــــــ

وقبل أن تغادر شهيته المفتوحة للبوح - على آخرها - أدرت دفة الحوار إلى منحى آخر .. وقلت : من هم مماليك هذا العصر كما تعتقد ؟

* هم اؤلئك الذين حولوا مقدرة العطاء إلى الأخذ فقط .. وإمكانية المشاركة للإستغلال .. وأفرغوا مفردات اللغة من مضامينها ومحتواها .

- البطل .. الديمقراطى .. الفدائى ... كيف تراهم من وجهة نظرك ؟

* البطل هو أكثر الناس عطاءاً للناس ... الديمقراطى هو الذى إستطاع أن يعالج نفسه ويصححها من عيب وخطأ تربوى وتاريخى ... أما الفدائى فهو الذى ينكر ذاته حقيقةً.

- قلت له حدثنى عن معان تنبع فى دواخلك تجاه الجمال .. الغيرة .. الحقد .. الخيانة .. الأخلاق .

* الجمال فى شىء قليل عنه كتب هـيـغـل كتاباً ... الغيرة أشواك لثمرة طيبة .. الحقد إتساخ للداخل .. الخيانة ماقلته عن الحقد بإضافة حسابات مختلفة ... الأخلاق نداء يصيح فى دواخلنا ( تماسكى هذه الأشياء.... ما حان زمان التساقط ) !!

- الخطأ الذى لا يغتـفر فى وجهة نظر مصطفى .. ما هو ؟

* ما لا أستطيع أن أجد له موقعاً فى دائرة تسامحى ....


عدل سابقا من قبل عابر سبيل في الإثنين 14 سبتمبر 2009, 12:32 am عدل 1 مرات










منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الثلاثاء 01 سبتمبر 2009, 10:32 pm


*** غدار دموعك ***

لا تنبش الماضي البعيد
الم تكن يوماً لقلبي واقعا مجهولا
لا تنكأي الجرح القديم
فانني ودعت ليلاً مظلماً وثقيلا
وحملت روحي في فؤاد ناذف
ما زال يحمل نصفه مشلولا
وخلعت أثواب الحداد أما كفى
إذ صار قلبك في الهوى ضليلا
غدار دموعك ما بتفيد
في زول حواسو اتحجرت
جرب معاك كل السبل
وايديهو ليك ما قصرت
حطمت في قلبوا الأمل
كل الأماني اتخدرت
وكلماتو ليك ضاعت عبس
لا قدمت لا اخرت
ما كنا وكت الليل يضيع
وتشرد نجومو وتنهزم
ويطل شعاع يكشف قلاع
والظلمة ترحل وتنهزم
وجفونا من طول السهر
تلبس وشاح حرقة وألم
نستبشر اليوم الجديد
ونقول تعود انت العشم
كيف العشم وكتين يموت
والغصة تطعن في الحلق
كيف الحنين وكتين يهز لزول بعيد ما بتلحق
كيف الرجوع لزول قنع
شايل رفاة قلبو الحرق
سيب الندم وانسى الدموع
ما فات زمان ما بيستحق
غدار دموعك ما بتفيد
في ظلمة ما بتعرف شعاع
اشباحا زي موج العدم
كسر المجاديف والقلاع
ونزلنا في طوف الفشل
وابحرنا في بحر الضياع
ونسينا ذكراك الزمان

عشناها في زيف القناع


عدل سابقا من قبل عابر سبيل في الإثنين 14 سبتمبر 2009, 12:37 am عدل 1 مرات










منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الثلاثاء 01 سبتمبر 2009, 10:44 pm

يقول مصطفى سيد أحمد : فى حوالى عام 1965 وفى مناسبة زواج أحد أبناء القرية من فتاة فى قرية " العيكورة " وفى الحفل الذى أقيم فى هذا الزواج سمعت مغنياً من القرية شارك فى الحفل يشدو بأغنية شعبية ميزت منها فى ذلك الوقت " الفريق أصبح خلا .. جانى الخبر جانى البلا .." وملامح اللحن كانت مشحونة بالعاطفة .. وفى لحظة صفا ذكرت لشقيقى المقبول ملامح اللحن والمعانى التى تدور حولها القصيدة وأخبرته أن هناك إحساساً قوياً يهزنى فى هذا اللحن وهذه المعانى وقد وافق ذلك فيه ظرفاً نفسياً خاصاً فكتب نص أغنية " السمحة قالو مرحّلة ".
أثبت هذه المعلومة إحقاقاً للحق وتوضيحاً للغموض الذى قد يحسه من لهم صلة بالأغنية القديمة عندما فاجأتهم الأغنية الجديدة .. كانت أول كتاباتى بعد أن توفى شقيقى " المقبول " وأول قصيدة مكتملة كانت فى رثائه .





*** السمحة قالوا مرحلة ***
كلمات : المقبول سيد احمد المقبول

بعدك الفريق أصبح خلا
والسمحة قالوا مرحله
جاني الخبر جاني البلا
والسمحة قالوا مرحله
قول يا لسان في الراحله
صوغ المعاني وجملا
نافر وما عارف العلي
حال العلي حال الخلا
******
يا عيني جافيتي المنام
وخدودي دمعك بللا
وين بعدك ألقى عطوف
يلم أفكاري بعد البهدلا
روح يا نسيم روح قابلا
تلقاها نايمة وغافلة
داعب لخصلات شعرها
وألثم ضفايرا المسدله
وأرفع كتيفها الهادلا
وكلل خدودا وقبلا
وقول ليها من بعدك
خلاص شفنا الفريق أصبح خلا
*********
يا ربي لحظات الوداع
أمثالي كيف يتحملا
الليلة بوصيك بالحبيب
عندك أمانة تحملا
وتديم علي الخير والهناء
وكل يوم تضاعفلوا الحلا
قلبي الحنين من قام صغير
طول عمرو لا جفا لا سلا
بعدك الفريق أصبح خلا
والسمحة قالوا مرحلة


عدل سابقا من قبل عابر سبيل في الإثنين 14 سبتمبر 2009, 12:20 am عدل 1 مرات










منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 1:15 pm


اغنيات مختارة للراحل الأستاذ مصطفي سيد أحمد
والشكر للأخ عابر سبيل على هذا البوست



علميني الاحتمال
كلمات / يحي فضل الله وقاسم أبو زيد


علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل ..
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة0000


عدل سابقا من قبل ابو تقوى في الأربعاء 02 سبتمبر 2009, 1:44 pm عدل 2 مرات
avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 1:24 pm



*** أظنك عرفتي ***
كلمات / جمال حسن سعيد


أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البربى
****
لقيتك خواطر
بتصحى .. وتساور
وطيفك يزاور
وروحك تحاور
وروحك تحاور
موشـّح أساور
أقول بس نسيتك
وجرحك .. يتاوِر
****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..
أظنـِّك عرفتى ..

avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 1:29 pm




عم عبد الرحيم
كلمات : محمد الحسن سالم حميد

فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا ..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر

avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 1:58 pm


*** سيناريو اليابسة***
كلمات / عاطف خيري

نكــــر صــوتك صـــداك ...
غــالــطــني الـزمن فيك
شــهرت عــلى الجــفاف وعدك
بطاقاتنا الخريفيـة ....
رجــع فاضـي الكــلام مليان ...
معــاك إتــبـرجـت غـيـمة
وشهق جوايا صوت جدول ...
مـرقت على المطر حفيان
لـقـيـتــك والــرذاذ مــدخـل ..000.
ونـاديـتـك …أقـيـفـي مـعاي نشيل كتف الغناء الميل
ونتخيل حلم دونك بيتحقق ..
وقبلك خيل دماي واقفة علي شرياني تتشهق ..
وبرق صوتك صداك غنيتي ...

رشحت حلقك لإذاعات الشجر ...
والمنتظر من عودة المدعو المطر ..
وللمسادير و الطنابير ..
واللسة في رحم القصيد ...
والدابو هسة وفي سوق عكاظ
بين مزادات الحروف غيبت رسمك وإحتكرتك للظروف
للزمان الجاي واللحظة الى فاتت مني هسة ..يا واقفه ما بين جرح السحاب
وبين شهقة الأرض البكر ..
ما كان ده ريد ..
كان إحتمال تغيير قوانين حركتك ..
ما بين حديثنا ولحظة الفعل الحقيقي ..
وإنتباهك إنت للشارع البيرجع تاني لنقطة بدايتو ..
و إنحيازك إنت للشارع البيرشح في مسام رمل التوقع ..
وما إتعرف قانون نهايتو ...
غايتوا أمشى في الدرب البطابق ..
فيه خطوك صوت حوافرك ...
يا فرس كل القبيلة تلجموا ..
ويكسر قناعاتا ..
ويفر يسكن مع البدو في الخلا ..
ما برضى غير الريح تجادلهُ وتقنعهُ ..

إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..

ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقا غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي
وراصد في اللاوعي سكون مواعيد ..
صحوه ... وحلمه... ولونه ..
وشاري يقينك في ظني ...
وسارق لحظة إني أفكر ..
المارق منك ... مارق منك ..
أو مت شهيد ...تتضاري ورى الدعوات ...
وما تتلبسي فرح الفات
يسكن فيك النغم الزايف ...
ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..

قال الجدول :
طلوع النخلة مرور الريح واحد
لكن الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..

قالت غيمة
بين قوسين غيمة لئيمة:
أولاد الشارع فهرس لي كل المدن ..
التهرس جوفك بالأسمنت ..

قالت ريح :
شوف الناس قنديل ..
لو ما نور يحرق كوخ ...
وباقي الحلة تنور ..
أو جبة جوخ أو ينزل بوخ ...
يقول للنسمة الزايفة أقيفي ..
لو تتفرد ريح ...
تتشرد ريح ...
ريح الخوف ...
لو تتفرد ريح
تبدأ تفرتق ضفائر المدن الكاذبة ... تعيد تسريحتك ..

يوم سمايتك شكل قامتك ..
كيف تموتي وتحيي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضوء ..
يجرح جلد العتمة ..
رد لما الليل قربان فجرك ..
يا بت يا نيل ... يا بت يا نيل ..
لو نامت قمحة على الأبيض ... واتشرت زيو ..
وزاد الأبيض في غيو..
ومدد رجلة اليسرى ..
ما كان الكسرة جاتك من بره .... صفرا ومنكسرة

زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...

قال الأبيض للأزرق :
يبقى ضد الانتباه ..
وضد تواريخ التمازج ..
بيني بينك ..
وده البشوفك في مراهقة الخرائط ..
وفينا من وجع المسافرين ..
واطه مالاقت هوية ..الأزرق :
مطر الحبش لو كان نبش ... جواك سقف
وهد حيلك في الدواخل ... وشد عصبك في المداخل
صوت مراكبي وايد بتسأل في القمح ..
وفينا من فرح المسافرين ..
قصة الشمس القضية ..

يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
حبة غضب ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
لو هز نخلك باشبزق ..
ما فارق التمر السبيط ..
وما ساور الطورية شك ..
إنو الأرض أنثي ... وبتحمل بالحلال
مين اللي قال إنو المسافة ..
البينا بين الشمس طاقة ..
أو مياه النيل بتدخل ..
في عروق السنبلة ..
المسقية بي عرق ..
الجعانين والمساهرين بالبطاقة ..

أقرأ تاريخي وأقيف ..
أقرا تاريخك وأقيف ..
جواك والزمن النضيف ..
جواي من جواك غضب ..
سلم مفاتيح السؤال ..
جيل الشمس موكب حريق ..
واقف على باب الدخول ..
بيناتو بينات الوصول ...
لحظة شهيق..

avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 2:13 pm


*** مريـم الآخــــرى ***
كلمات / محمد عبد الله شمو

هاهى الأرض تغطت بالتعب
البحار إتخذت شكل الفراغ
وأنا مقياس رسم للتواصل .. والرحيل
وأنا الآن الترقب .. وإنتظار المستحيل
أنجبتنى مريم الأخرى قطاراً وحقيبة
أرضعتنى مريم الأخرى قوافى
ثم أهدتنى المنافى
هكذا قد خبرونى .. ثم قالوا لى ترجـّل


ثم أنتِ .. أنت ياكل المحاور .. والدوائر
يا حكايات الصبا
تحفظين السر .. والمجد الذى مابين نهديك .. إختبا
ليس يعنيك الذى قد ضاع من عمرى هباء
وأنا .. يا صغيرتى .. لست أدرى ما الذى يدفعنى دفعاً .. إليك
ما الذى يجعلنى أبدو حزيناً
حين أرتاد التسكع .. فى مرايا وجنتيك
لا عليك
فعلي هذه السفوح .. المطمئنة
نحن قاتلنا سنيناً .. وأقتتلنا
نحن سجلنا التآلف .. فى إنفعالات الأجنة
وأحتوانا البحر .. والمد اليقاوم .. والشراع
يا هذه البنت التى
تمتد فى دنيايا سهلاً .. وربوعاً .. وبقاع
ما الذى قد صبّ فى عينيك شيئاً من تراجيديا الصراع


والمدى يمتد وجداً عابراً هذى المدينة
خبرينى هل أنا أبدو حزينا
هل أنا القاتل .. والمقتول حيناً .. والرهينة
هل أنا البحر الذى لا يأمن الآن السفينة ؟
خبئينى بين جدران المسام
قبلينى مرةً فى كل عام
فأنا أحتاج أن ألقاكِ فى كل عام
أنا أحتاج أن ألقاكِ فى ذرات جسمى
فى الشرايين المليئة بإنقلابات المزاج
فى إنعكاس الضوء
فى النافذة الأولى .. وبلـّور الزجاج
.. هكذا قد خبرونى .. ثم قالوا لى ترجل


وعلى أطروحة الحلم المسافر .. ألتقيك
على حمى الرحيل المستمر .. الآن .. فى كل المواطن ألتقيك
فى مساحات التوهج .. فى جبينى .. ألتقيك
فى إنشطار الوقت .. فى كل الذرى
وفى حكايات الطفولة .. إذ يعود بنا الزمان .. القهقرى
آه لو تأتين يا سيدتى .. من كل فجٍ .. وأتجاه
من عميق الموج من صلب المياه
تستطيعين التنقل بين أرجائى وظلى
تستطيعين التوهج .. عند لحظات التجلى
ولعينيك إمتلاك وثائقى .. حتماً .. وقلبى
ولعينيك التنصل .. عن مواثيقى ودربى
هكذا قد خبرونى .. ثم قالوا لى ترجل


وأنا أبحث عن صيغة هذا البعد .. هذا اللاّ نهائى
عن قرار الشعر .. عن لون التـّغرُّب
بين جدران المقاهى
آه لو تأتين ... آهِ
تجدين الإِلف الممتد سهولاً .. بإنتظارك
وأنا .. كالحذر المنساب .. خوفاً
بين صالات الجمارك
كالرحيل .. كالترقب .. وإنتظار المستحيل
هكذا قد خبرونى
ثم قالوا لى ترجل


avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

رد: مصطفى سيد أحمد

مُساهمة من طرف ابو تقوى في الأربعاء 02 سبتمبر 2009, 2:26 pm


*** مزيــكة الحـواري ***
كلمات/ محمد المهدي عبد الوهاب

مانى غرقان فى التمنى
ولانى سارح بالأمانى
زارنى خاطراً بلّ شوقى .. وإحتوانى
النخل إتلاقى .. غنى
وردد النيل الأغانى
النجوم لامع بريقا
الورود النايمة .. فاقت
عطرت كل الجزاير بى رحيقا
الندى الراقد بفوقا
صفّقت جنحاتو غنت .. لى هوايا

دقوا مزيكة الحوارى
رقصوا البنوت .. أعرضوا
النخل زايد فى عرضو .. وفى علاهو
البيوت غرقت وراهو
وبرضو زايد فى علاهو
يحكى للدنيا الجميلة
سر عظمتو .. وسر بهاهو

ضى عيونك يا بنية
يضوى من بلداً بعيدة
تحملك لينا الغمامة
ويكتمل للروح .. نشيدا
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة

وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غنايا
نوصل الشمس البعيدة
نبقى عيدا
نزرع الحب البيوقد

النهاية


avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 10:29 pm


*** كان نفسي قولك من زمان***
كلمات / الشاعر صلاح حاج سعيد


كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاء
وقتين مدامعى تكون جزا
وتفتح مباهج الليل ظنون

كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان

كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 10:37 pm


***الممشى العريض***
كلمات / عبد العزيز العميري


مكتوبة في الممشى العريض ...
شيلة خطوتك للبنية
مرسومة بالخط العنيد
في ذمة الحاضر وصية ...
شاهدة التواريخ والسير والإنتظار
أدوني من قبلك مناديل الوصول ..
وفردت أجنحة العشم
في ساحة الوطن البتول ..
وضحكت ما هماني شئ ..
وبكيت ولا هماني شئ
عندك وقفت من المشي ..
وغرقت في ضوء النهار

كانوا بتمنوك لو ترتاحي لحظة على الدرب ..
حبوك حب قدر الحروف الحائمة في بطن الكتب ..
قدر الخيال ما مد يدو على السحب ..
كل خاطر قال بريدك
إلا ريدك كان رسول الدهشة في كل الديار ..

وأنا زي عوائد الشعر فارس شد خيل الكلمة ليك ..
مصلوب على ظهر البداية القالوا آخرا بين يديك
وصرخت يا مهون تهون شان أجيك
كان أصل يوم لحضورك
كت بريدك ومشتيهك
وأنكسر فيني الترجي
ونلت من سفري الخسار ..

بس داير أقولك يا أصلية
لو تعب فينا التمني
وإنهتك وتر المغني ..
لو تسدي علينا طاقات البشائر
ينهزم يوم التجني
وأجيك لاهماني شئ
عندك وقفت من المشي
وغرقت في ضو النهار











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 10:48 pm


***ما طال في بحرك في مي***
كلمات / محمد الحسن سالم حميد

ما طال في بحرك في مي

وتمرك مفدع بالجريد

شدرك امد حد السمى

طينك معتق بالطمي

نبيتك اكيد نبيتك هوى

نبيتك ايوة سوا ..سوا من جديد .. نبيتك جديد

ايد ابوي على ايد اخوي على ايد انا

على ايد على ايد تجدع بعيد في اللجة في من راس ميضنة

حيكومة الفقر الدمار

الكضبن والصهينة

اللي ناقص ايامنا كاس

اليالطيف سوس البحر نردم قفاهو حجر .. حجر

من ها الرصيف

الما قدر قدام سريحة الموج يقيف

الما انستر الرزقية وناس وايه

نسقيها كاس اسقينا

نوريها كيف عشق الحياة

سنانا فوق حجر القصاص

سوانا ناس ضرب البحر

جوانا احد من الرصاص

يا ضو حبيبين القسا

طول ما انت غرقان في الاسى

تبت يدين ما ترمي ساس

ما تبني مجدك من جديد

تفتح شبابيك الخلاص

تدخل نسيمات النشيد

بيت القصيد يستقبله

مستقبله والحاضر الماضي التليد

يا بلدي يا فردة جناحي التاني

وكت الناس تطيرلي عالمة

وا فجعة الزول البيجيك

ما يلقى فيك غير الهجير ناسا تواي مسالمة

مل البشاشات القبيل تلقاها ميتة مسممة

والجاته جاتة من الارض ما جاته من السما

ما اعتى غبنك يا ولد

واعدل قضيتك واعظمة

لا ترجع السيف الجفير

والدنيا فايرة مصادمة

من غير تجيب تار البلد

ريح العوارض تهزمة

تطرد مع ابليس الاخير دعة الضلال

من جنتك ادمة

تأكل من الشجر الحلال

يغشاك نعاس في ضل رمى

تختال هضاريب الصعب

كربة ليالي المظلمة

يا نيل قبل خاطرك يطيب

ارضك تفزع باللهيب

تكشح تواريب الغضب صعب المراس

نوبة و زنوج وبجة وحلب

رطانة عربان مواشو

ومولدين تلقانا او نلقاك ضو

ظلمة لياليك العجاف

رعشة نهاراتنا النشاف

امنا بيك وموحدين

في ايدينا فاس وقلم رصاص

شتلة وكمنجة ومسطرين

وطبنجة في خط التماس











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 11:00 pm


*** ليـه غبتـي يا قمـــره ***
كلمات / قاسم أبو زيد


ليه غبتى يا قمرة
نركب جياد الليل
وإنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشا .. نِشِف
نشرب بواقى السيل


صُدْ لى ملامحك .. يا حراز
ريح العوارِض ... غرّبتْ
فرتِق ضفايرك .. لى الرزاز
... جية العصافير .. قرّبتْ











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 11:03 pm


*** ادفقي ***
كلمات/ قاسم ابوزيد

ادفقي ما تبقي رقراق

ابقي ياضل ياشموس

غطي الساحات بالوضوح

انهضي الشوق البدوح

وهجك شوارع ذاتي في ليل اليباب

ما تشفقي العطش الرحيل

النيل ركيزة ودمعة الاحباب سحاب

ما تخافي من دم الغروب

لو رتش اللوحة الضباب

ما دام ضمير الفينا حي

ما دام عريق العشق حي

ملحوقة يامدن السراب

نديانة بفرح التساب

ادفقي فيضان عمر وفجي الوجع

دمع الالم ما يهددك ما خاب غناك

فارسك رجع ..

اتوهجي انت الشمس اتلهجي

نورك سطع نور بوادينا الكساح

رقصت مزامير الصباح

مبكية قرية وقنبلة

مسقية دمعة وسنبلة

الليلة في ايدنا السلاح

ريشة ..وكدنكة .. ومطرقة ..

نبنيك احسن يا ظروف ..

مخضرة دانية القطوف ..

نطوي المسافات نسبقا

ادفقي بلدك فداك .. اتوهطي

وري البنيات العزيز

محمية بعرق الترابلة ونغمتك

مسقية بالريد العتيق ..

انغام ربباتك تشيل معزوفة الليل والرفيق

ما تصغري تكبر اماني السنبلة هيا اكبري

تصغر معاني القنبلة

ما ترجعي الصد للمدائن والقرى

شيلي الشحوب والاصفرار

ادي البويتات مظرا

ادفقي في كل شارع وكل بيت

في روابينا المحنة في ضمائرنا السهول

ادفقي في كل حتة وكل زول

وابقي شان تحي الحصول











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 11:05 pm


*** الطـيــــــــور***
كلمات / حــافظ عـباس


والله نحنّ مع الطيور..

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

*********

والحبيبة تغنى لينا

لا هموم تسكن دروبنا

.. ولا يلاقينا الخطر

*********

إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
عابر سبيل
قلــــم مُتَمـــيِّزْ
قلــــم مُتَمـــيِّزْ

ذكر الجوزاء

تاريخ تسجيلي : 13/12/2008
عدد مساهماتي : 169
جنسيتي : سوداني
مقيم في : السعودية - الرياض


نقاط تفاعلي : 16387
نقاط سمعتي : 11
<b>::My:</b> ::My: : شايل الدموع يا حبي لامن أعود وأجيك.... أنا آآآه اشتقت ليك

رد: مصطفى سيد أحمد

مُساهمة من طرف عابر سبيل في الإثنين 14 سبتمبر 2009, 11:13 pm


*** وهج الشعاع ***
كلمات / الشاعر مدنى يوسف النخلى


ياريتنى زى وهج الشعاع تمتد سحابات الغروب سر روعتو

وزى قدر المسافر لمدن محهولة لما تضيع خطاوى البهجة

فى همس الكتوم

حبك صبح أشتات ظلال وأطلال خيال خرافات قصتو

برحل عشان أنساك وأسيب الذكرى فى وجع الطريق

وأمسح دموع شمس الهوى المصلوبة فى صمت الغروب

وأمسح دموع قلبى التعب كان فى هواك

يقدر يتوب ما كان عشم قلبى الحزين

مترجى من عينيك حدود كان عندى فى سفر الأمل

تلقى البودع ليك وعود والليلة يا قلبى اللى راح

بروعة أشراق الورود مد الغروب المادى أيدو

ضاعت أحلام الورود زى ما بموت وهج الشعاع











منتديات شباب كلكول



دع الأمـور تجــري في أعنتها *** ولا تبيتن إلا خالي البـال
ما بين طرفة عين وانتباهتها *** يغير الله من حال إلى حـال
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

رد: مصطفى سيد أحمد

مُساهمة من طرف blueshade في الأحد 20 سبتمبر 2009, 12:18 am



***اقتراح+شهيق***

الشاعر الجميل/ عاطـــف خيري
نكر
صوتك صداك
غالطني
الزمن فيك
شهرت على الجفاف
وعدك، بطاقاتنا الخريفية
رجع فاضي الكلام مليان
معاكي اتبرجت غيمه
شهق جواى صوت جدول
مرقتَ علي المطر حفيان
لقيتك
والرزاز مدخل
وناديتك:-
اقيفى معاي
نشيل كتف الغناء الميّل
ونتخيل
حلم دونك بيتحقق!!
وقبلك خيل دماى واقفه على
شريانى تتشهق!
وعرف صوتك صداك،غنيتي
رشحّتَ حلقك لي إذاعات الشجر
والمنتظر من عودة المدعو
المطر
للمسادير ، والطنابير
واللسه في رحم القصيد
والدابو حسّ
وفى سوق عكاظ،
وبين مزادات الحروف
غّيبت رسمك واحتكرتك للظروف
للزمان الجايي ، واللحظة
اللى فاتت منى هسه
يا واقفة
بين جرح السحاب
وبين شهقة الأرض البكر
ما كان ده ريد
كان إحتمال
تغيير قوانين شهقتك
ما بين حديثنا ولحظة الفعل الحقيقى
وانتباهك إنتى
للشارع البيرجع تانى
لى نقطة بدايتو
وإنحيازك إنتى
للشارع البيرشح
من مسام رملو التوقع
وما إتعرف قانون نهايتو
غايتو
امشى
فى الدرب البطابق
فيهو خطوك صوت حوافرك
يا فرس
كل القبيلة تلجمو...يكسر
قناعاتها ويفر
يسكن مع البدو في الخلاء
ما يرضى غير الريح
تجادلو وتقنعوا
اقترحتك
لون اساسى
يمنح اللوحة ازواجية القراية
ويفتح الضوء
بين خطوط الريشة ، والخط
الإضافى الجايي من
شبكية الزول المشاهد
واكتشفنا الرسمك
وأنا
نفس التوارد فى الخواطر
وبرضو أرقام التذاكر
البيها سافرنا وشهدنا
انفجارك فى الأرض
يا سمراء
يا واضحه
ما غنيت
يوم جيتك صدفه
قبل ابداك كان غُصنك بشّر
ويوم ما كان احساسك مسرى
عرّج غيمك فيني ومطّر
ولحظة طار
عصفور من صدرك
رتّب فينا احساس بالإلفه
ودوزن عصب الزمن الأشتر
اتوكلت عليكى
وقلتَ:-
المارق منك داخل جرح الورده
وراسم فوقها غناوى الطل
والمارق منك
رجّع للغابات
الزنج الهاربه
وللعتمور العرب العاربه
وادى الكون
مفتاح الحل
والمارق منك
شادد عصب الورقه ، وحرفى
وراصد فى اللاوعي سكونه
مواعيد صحوه..حلمه..لونه
وشارى يقينك فى ظنى
وسارق لحظة إنى أفكر
المارق منك
مارق منك
أو
منى.!










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر

    الوقت/التاريخ الآن هو الثلاثاء 24 أكتوبر 2017, 4:54 am