منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


هل نحن كسلانين لهذا الحد الذي يجعلنا مضحكة من قبل البسوا وال

شاطر
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 18592
نقاط سمعتي : 6
<b>::My:</b> ::My: : Hi EveryBody

urgent هل نحن كسلانين لهذا الحد الذي يجعلنا مضحكة من قبل البسوا والمابسوا...؟

مُساهمة من طرف amirageeb في الثلاثاء 25 أغسطس 2009, 10:21 pm

حيا الله الجميع؛
الموضوع الذي نتطرق إليه اليوم جد خطير - على الأقل من وجهة نظري - وهو موضوع التندر بالكسل والضحك على الشعب السوداني وليس مع الشعب السوداني كما يزعمون.
ظل هذا الموضوع يقلقني كثيراً وأنا لي رأي واضح في الأمر... لا أتساهل مع أي من أولائك الزملاء والإخوة الذين يزعمون أنهم يحبون الشعب السوداني ولذلك يأتون بمثل هذه المهازل التي تسيئنا كثيراً. كثراً ما دخلت في عراكات أحياناً وصل بي الأمر أن خسرت الكثيرين!!!
ترى هل يضحكون معنا أم بنا... ومن المسؤول عن هذه المهازل؟
أترككم مع هذه العينة التي وردتني على الإيميل - بالتأكيد هي نموذج سخيف للاستهتار واللامسؤولية؛ الشعب السوداني بنى جماجم وبيوت وديار الكثيرين ممن يتبجحون علينا اليوم.

برنامج رياضي في قناة السودان



سمعنا عن الكسل بس زي كذا ما في !!!
انفخ الكوره على الأقل
اضحك مع الشعب السوداني
1
سوداني جالس مع لبنانيات سألوه : ايش جلسك مع الورد ؟ قال : والورد ماداير سماد ؟

2
سوداني جاله ولد أبيض عيونه زرق شعره أشقر سماه... المستحيل بزاتو

3
سوداني جاله شلل .. مادرى إلا بعد ثلاثة أيام

4
سوداني كسلان شاف ولده يغرق قال الولد : إنقذني .. قال له أبوه : ماداير تموت شهيد ؟

5
سوداني مات ليش ؟ ماله خلق يتنفس

6
سودانين سرقوا بنك تعيجزوا يعدوا الفلوس .. قالوا آآي بكره نعرف من الجرايد

7
سودانين قاعدين يفكرون قال واحد : ياليت في زر يجيب العالم كله .. قال اللي معه .. بس مين يضغط الزر

8
سودانين يبغوا يسون فريق كرة قدم
اختلفو على الإحتياط










منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 18959
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف ودماسا في الأربعاء 26 أغسطس 2009, 12:47 am

تحياتي عامر عجيب
ولكن بالجد موضوع ذات اهميةكبيرة جدا
والتي تداول في حق السودانين التي اشتهرو بالكسل
ولكن هل ياتري نحن بهذا الوصف وكل الناس قد تكسل في بعض الاشياء ولكن ماللحد الذي نشتهر به وعندك كثير من الشعوب واقرب دليل هنا عندك اصحاب البلد الكسل عندهم زيادة لما لا يطلق عليهم كساله
تعرف ياعامر ماهي الا اشاعات اطلقها بعض الجنسيات العربية الاخري حتي تقلل من شان السودانين بنوع من الاستهتار حتي يحتلو اماكنهم في الشغل ولان السوداني مشهور بالطيبة الزايدة والتعامل الراقي الذي اهدر كثيرا من حقوقة وماهذا الا نوع من الاناية البحتة لاحتلال مكان الغير من قبل تلك الجنسيات العربية الاخري نامل ان يعي السودانين الدرس
تحياتي ودماسا










منتديات شباب كلكول



وددت لو اهدي مع الايام تزكارا روحا وقلبا وللاحباب ازهارا
avatar
ragebaltayeb
قـلــم على الطريـــق
قـلــم على الطريـــق

ذكر الدلو

تاريخ تسجيلي : 12/11/2008
عدد مساهماتي : 94
مقيم في : كلكول


نقاط تفاعلي : 18077
نقاط سمعتي : 2
<b>::My:</b> ::My: : ضع رسالتك هنا

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف ragebaltayeb في الأربعاء 26 أغسطس 2009, 1:09 am

اوافقك الرائ اخي مبشر وبالجد هذا هو الحاصل فهناك العديد من الشعوب التي تقلل من شان السودانيين وتصفهم بصفات كثيرة جدا لا تقف عند الكسل فحسب في حين ان الكسل صفة او غريزة متواجدة ومزروعة في البشر وتتفوات في النسب عند الافراد
avatar
aldeeba
قـلــم على الطريـــق
قـلــم على الطريـــق

ذكر الجدي

تاريخ تسجيلي : 23/11/2008
عدد مساهماتي : 155
مقيم في : UAE


نقاط تفاعلي : 18214
نقاط سمعتي : 14
<b>::My:</b> ::My: : التختارو لي لاشك جميل ياجميل‏

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف aldeeba في الأربعاء 26 أغسطس 2009, 4:33 pm

@ودماسا كتب:تحياتي عامر عجيب
ولكن بالجد موضوع ذات اهميةكبيرة جدا
والتي تداول في حق السودانين التي اشتهرو بالكسل
ولكن هل ياتري نحن بهذا الوصف وكل الناس قد تكسل في بعض الاشياء ولكن ماللحد الذي نشتهر به وعندك كثير من الشعوب واقرب دليل هنا عندك اصحاب البلد الكسل عندهم زيادة لما لا يطلق عليهم كساله
تعرف ياعامر ماهي الا اشاعات اطلقها بعض الجنسيات العربية الاخري حتي تقلل من شان السودانين بنوع من الاستهتار حتي يحتلو اماكنهم في الشغل ولان السوداني مشهور بالطيبة الزايدة والتعامل الراقي الذي اهدر كثيرا من حقوقة وماهذا الا نوع من الاناية البحتة لاحتلال مكان الغير من قبل تلك الجنسيات العربية الاخري نامل ان يعي السودانين الدرس
تحياتي ودماسا


تحياتي عجيب وللاخوين المعقبين ودماسا وراغب....
اتفق كثيرا مع ماكتبه الاخ ودماس....نستغفر الله اولا واخيرا.... هي هجمة منظمة ظاهرها الاستهتار وباطنها الحقد والانانية كما ذكر ودماسا تظهر جليا في بلاد المهجر..... مجموعة قد نكون نحن وانتم معروفة لدينا هذه الفئة ولكن لانظلمهم بالتعميم, تستدهف هذه الفئة السودانيين تحديدا لانهم مشهود لهم بالكفائة والحكمة (والامانه) ,والاخيرة تكاد تكون طابعهم الخاص.....سبحان الله رغم الاشاعة الملفقة عليهم ولكن لسان حال الغير بقول كسلانين وبنحبكم

واحد من مواطني الامارات قال لواحد صاحبنا انتو ناس بقولو كسلانين..
صاحبنا انفجر فيه واداهو سلسلة من تصرفاتهم التي تدل على كسل المواطنين....
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 18547
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف issa في الخميس 27 أغسطس 2009, 10:25 am

حيا الله الاخوة المتداخلين ..
اذكر وانا فى بداية عهد الناس بالانترنت ،كنا وقتها ندخل فى غرف الدردشة ونسولف مع اخواننا العرب ،وكنت فى ذلك الوقت اعتبر هذه الدردشة هى مدخل لحوارات وفهم ثقافات وحضارات الاخوة العرب ،وكثيراً ما كنت احتد مع احدهم حينما يجرفنا الحديث الى مزالق وانحطاط فى التعامل والذوق والادب.

ادركت حينها ان هذه الغرف وهؤلاء المتداخلين من اخواننا العرب ليست سوى تمضية وقت وفراغ كبير يعيشونه وربما انبهار بعصر العولمة ، فقد كان الشباب يمضون ويمكثون ساعات طوال امام الكمبيوتر متسمرين لا لشئ الا لقتل الفراغ الذى يعيشونه .

تخيل معى شباب لا رادع ولا رقيب عليهم ولا شغل ولا مشغلة ..ما الذى سوف يفعلونه ؟ قطعاً سيستغلون هذه التكنولوجيا فى التنفيس عن هذا الفراغ الذى ملأ حياتهم فصاروا ينتهكون الناس فى اعراضهم ويشتموهم ويسبوهم ،فكنت لا تدخل غرفة دردشة الا وتجد مستوى الكتابة فى الحضيض ،شباب يتبادلون افظع الالفاظ أو تجد شاب وشابة يتخاطبون حديث الغرام باسلوب قبيح وردئ وهكذا...وفى خضم هذا الحديث تجد هؤلاء الفتية يسألونك اولاً عن دولتك وعندما تقول انك سودانى تبدأ السخرية وتصل قمتها عندما يعلمون انك تخاطبهم من السودان مباشرة وكأنما هذا السودان خارج منظومة الدول المتقدمة فى مجال الانترنت


فقررت حينها مقاطعة غرف الدردشة الى الابد ، فأنا عكس صديقى عامر لم اقابل أي من هؤلاء الذين يصفون السودانى بالكسل وجهاً لوجه وإلا كان الرماد كال حماد .

فى اعتقادى الشخصى هذه محمدة لنا نحن السودانيين اذ أن الاشتغال كثيراً بالسودانيين معناه احتلالهم لمجالسهم وهذا ناتج عن كثرة السودانيين العاملين بالخارج وهذا وحده دليل كاف على انتفاء صفة الكسل عندنا.

ثمة ملاحظة اخيرة ما دور السودانيين العاملين بالخارج لمحاربة مثل هذا النوع من التهكم والاذدراء والسخرية منهم ؟










منتديات شباب كلكول



على قدر اهل العزم تأتى العزائم
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17014
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف قصب في الجمعة 28 أغسطس 2009, 5:32 pm

نحن ما كسلانين وهم عارفين دا كويس ، نحن عندنا عزت نفس وبنعتزة بيها جدا
هم عاوزننا نقيف ليهم على حيلنا اول ما الواحد يدخل علينا فى اى موضع عمل ، دايرننا نستقبلهم وقوف وبى بسمه حزن مرسومه فى وشنا مخلوطة بى نظرت
شفقة زى ما بقابلوهم بها الشعوب الاخرى، تعرف يا استاذ عيسى الواحد
بقيف بى سيارتو جنب البقالة ويضرب ليك البورى عشان تجى وتشوف طلباتوا
تلقاهو عاوز ليو حاجة بى ريال ويا ويلك لو اتأخرت عليو حتى لو كان معاك زبائن اهم منو من ناحية الشراء ، وشوف يا شتائم ويا منابيذ تغشعر
منها الابدان (كدى شوف الكسلان فينا منوا ،الواحد ما قادر ينزل من السيارة)، طبعا الشتائم دى ما لينا للشعوب البتخضع ليهم ولى استبدادهم
وطبعا هم عارفين دم السودانيين اول ما الواحد يشوف البقالة فيها سودانى
بيحترم نفسوا ولى يترجل من سيارته ودخل عليك وطبعا بكون مغبون والغبينة
مابقدر يفكها الا بى عبارتهم ( والله انتو يا الزولة كسلانين ، عليك الله يا زول ، داير شنو ) وهكذا، ولى مشى يشوف ليو بقالة تلبى طلباتوا وهو فى
سيارتوا
نحن ما بنرضى الحقارة لنو معدننا ،اصيل وعزتنا وصدقنا وامانتنا هى التى
تميزنا عن غيرنا ، وطيبتنا هى التى تجلب لنا مثل هذة الاساءات وحتى لو قالوا اكثر من ذلك برضو ماشين فى طريقنا دون خضوع ،
وخليهم يقولو كسلانين، وصدق المثل ...
الجمل ماشي والجماعة بينبحوا
والداير يعرفنا خليو يجينا فى دارنا ( والله كلهم عارفننا وعارفين طباعنة كويس)
وفى ناس كتاااااار جونا وشافو طبعنا وهمتنا ونشاطنا البنقابل بيو الضيف
وبنعشى بيو ضيف الهجعة فى عز البرد ،واماتنا متلببات الدوكة والصاج،
بشوفونا ساعة الحارة والباردة ، بشوفوا اغاثة الملهوف ومقنع الكاشفات و...
الكلام كتير بس

تخيل كيف يكون الحال لو ما كنت سودانى واهل الحارة ما اهلى



والله والله نحن ما كسلانين

نحن النشاط بى عينوا

بس ليهم ما بننذل

والذارعنا غير الله اليجى يقلعنا




قصب
avatar
المحجوب
مراقب عـــام

ذكر الجدي

تاريخ تسجيلي : 03/01/2009
عدد مساهماتي : 56
جنسيتي : سوداني
مقيم في : السودان


نقاط تفاعلي : 17820
نقاط سمعتي : 2
<b>::My:</b> ::My: : مرحبا بكم

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف المحجوب في السبت 29 أغسطس 2009, 1:58 pm

نحن كسالي ؟ لم ؟ وعلي ايه؟ من يصفنا بزلك اقل مايوصف به انه مغفل الكسل له ظروف معينة لايتوفر جلها عندنا اما سمعتم حكاماتنا وهن يكلن اللوم للمتعطلين والحكامة والهداي في بعض اجزاء بلادي اعلام شعبي له اثر عظيم في نفوس الناس هناك مدحا وقدحا اما سمعتم بها وهي تزم اخرين بقولها : الناس البشدو الحيل .. الفاتو ليبيا قبيل
ما زي ناس ديل ..
القاعدين لي تشفط الباتيل
(اي شراب الشاي) نحن قوم لا نستكين ولا تفتر لنا عزيمة وحين تداهمنا الخطوب لا نستعين بغيرنا لدفعها نلجا لله وحده هكزا وجدنا انفسنا وكان زلك نتاج ارث خلفه الاجداد نحن نختلف عن الاخرين
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 19256
نقاط سمعتي : 13
<b>::My:</b> ::My: : $عيون في الغربـــة بكاية$

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف blueshade في الأحد 30 أغسطس 2009, 1:47 am

@issa كتب:
فقررت حينها مقاطعة غرف الدردشة الى الابد ، فأنا عكس صديقى عامر لم اقابل أي من هؤلاء الذين يصفون السودانى بالكسل وجهاً لوجه وإلا كان الرماد كال حماد .

فى اعتقادى الشخصى هذه محمدة لنا نحن السودانيين اذ أن الاشتغال كثيراً بالسودانيين معناه احتلالهم لمجالسهم وهذا ناتج عن كثرة السودانيين العاملين بالخارج وهذا وحده دليل كاف على انتفاء صفة الكسل عندنا.

ثمة ملاحظة اخيرة ما دور السودانيين العاملين بالخارج لمحاربة مثل هذا النوع من التهكم والاذدراء والسخرية منهم؟
حيا الله الأخوة المتداخلين؛ وسأعود للتعليق على بعض المداخلات الأخرى ولكني الآن سآخذ هذه الجزئية:
أول حاجة عايز أقول للأخ عيسى أن الرماد يكيل حماد كثيراً ومراراً وتكراراً لأن الأمر فعلاً أبح سخيف "يا أخي بعضهم يزج هذه الصفة بمناسبة اللامناسبة أحياناً" والمحير أنت ترى أحياناً أن البعض لا يقصد ما يقول ولا يتعدى الأمر مجرد الونسة والتسلية ولكن... أي حاجة لما يكتروها بتمسخ!
بالنسبة لكثرة السودانيين بالخارج هذا حاصل بالفعل. والسودانيين لم يحتلوا المجالس فقط بل هم من شادها وبناها مثلما بنى ذات الجماجم التي تتبجح الآن! وصفة الكسل ليست عندنا بالفعل خاصة بالنسبة للناس العاملين بالخارج... باختصار أي زول شغال برة مبرمج على العمل الشاق طوال اليوم وإلا اختل ميزان العمل وتم الاستغناء عنه؛ ولذلك نحن لسنا كسالى حتى ولو كنا مجبرين على ذلك وهم يعلمون ذلك جيداً ولكن زي ما قلت مسبقاً أي حاجة لمن تكتر بتمسخ!
وبالنسبة للملاحظة الأخيرة اعتقد أن كل فرد منا حريص على استمرار العمل وأحياناً يتغاضى عن الكثير من المهازل في هذا الصدد؛ كما أن نماذج "الرماد كال حماد" أيضاً متوفرة وكثيرن لا يرضون الحقارة والمسخرة ولكن...
تحياتي؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 18547
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

urgent رد: هل نحن كسلانين لهذا الحد الذي يجعلنا مضحكة من قبل البسوا وال

مُساهمة من طرف issa في الأحد 30 أغسطس 2009, 10:00 am

لى حكمة كنت ومازلت ارددها كثيراً "من امتلك المال امتلك الرجال" ...

هذا القول ينطبق على اخواننا السودانيين العاملين بالخارج ،فالشاهد ان ارباب العمل ومنذ قديم الزمان _قدم الخليقة_ يسخرٌون الناس لقضاء حوائجهم ما عظُم منها وصغُر ،فترى رب العمل يمارس مع ربيبه اقسى انواع الاستبداد ولا يملك هذا المأجور غير التفانى والاخلاص فى العمل خوفاً من انقطاع رزقه .

وهنالك محاولات كثيرة من بعضهم للتمرد على ذلك الواقع ولكنها تصطدم فى كثير من الاحيان بعوامل انسانية ترغمهم على الخنوع والاستلام مجدداً لقدرهم ،وتبقى المعادلة على حالها _الغنى يزداد غنى وغطرسة والفقير يزداد فقراً وخنوعاً .
وتبقى محاولات الاساءة والسخرية من اخواننا العرب لنا من هذا الباب ،ولن نستطيع كسره الا باحد امرين:

اما المقاومة القوية والرد على افتراءتهم وسخريهم فى حينها

او امتلاك المال اللازم لكل السودانيين وبقائهم داخل ارض الوطن

وكلا الامرين صعب التحقيق ،وكما قال الشاعر هما امران احلاهما مر

تحياتى











منتديات شباب كلكول



على قدر اهل العزم تأتى العزائم

    الوقت/التاريخ الآن هو الأربعاء 19 سبتمبر 2018, 4:18 pm