منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


ماذا تعنــي لفظــــة زول...؟

شاطر
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

ألحق ماذا تعنــي لفظــــة زول...؟

مُساهمة من طرف blueshade في الإثنين 31 أغسطس 2009, 12:01 pm


الزول (تلك اللفظة التي أصبحت تعادل كلمة سوداني في أراضي المهجر) هي من فصيح اللغة العربية ولها 17 معنى عند أبن منظور في لسان العرب.

1- الزول تعني: الكريم الجواد... أنشد السكيت المزرد (لقد أروح بالكرام الأزوال من بين عم وابن عم أو خال).

2- الزول تعني: الخفيف الحركات... قال أبو منصور الثعالبي في حديثه عن الممادح والمحاسن حين ذكر أطوال الإنسان: (فإذا كان حركاً ظريفاً متوقداً فهو زول)

3- الزول تعني: الفتى... قال محمد بن عبيد الله الكاتب المشهور بالمفجع يمدح علياً كرم الله وجهه: (أشبه الأنبياء كهلاً وزولاً وفطيماً وراضعاً وغذيا)

4- الزول تعني: العجب... ألا ترى السوداني إذا استغرب شيئاً قال: يا زول، يعني يا عجبي من هذا الشيء. قال الشاعر في وصف سير ناقته: (مرفوعها زول وموضوعها كمر غيث لجلب وسط ريح)

5- الزول تعني: الشجاع الذي يتزايل الناس من شجاعته.

6- والزول تعني: الخفيف الظريف الذي يعجب الناس بظرفه.

7- والزول تعني: الغلام الظريف.

8- والزول تعني: الداهية.

9- والزول تعني: الصقر.

10- والزول تعني: معالجة الأمر كالمزاولة.

11- والزول تعني: التظرف.

12- والزول تعني: الحركة.

13- والزولة تعني: المرأة الظريفة؛ قال الأصمعي: (أنشدتني عشرقة المحاربية، وهي عجوز حيزبون زولة. قال أبو علي: الحيزبون هي العجوز التي فيها بقية من الشباب والزولة الظريفة)

14- والزولة عني: المرأة البرزة (الجميلة) الفطنة الذكية. قال الطرماح بن حكيم: (وأدت إلي القول منهن زولة تلاحن أو ترنة لقول الملاحن)؛ والملاحنة هي الفطنة، فهذه تتكلم بما يخفى على الناس ولا يفهمها إلا الفطن.

15- والزولة تعني: الفتية من الإبل أو النساء. قال رؤبة بن العجاج: (قد عتق الأجدع بعد رق بقارح أو زولة معق).

16- ووصيفة زولة: إذا كانت نافذة في الرسائل.

17- ويقولون فلان رامي الزوائل إذا كان خبيراً بالنساء. قال الشاعر: (وكنت امرأ أرمي الزوائل مرة فاصبحت قد ودعت رمي الزوائل).

ففتى زول، وفتاة زولة، وفتة أزوال وفتيات أزوال، ونسوة زوائل.

تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 15364
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

ألحق رد: ماذا تعنــي لفظــــة زول...؟

مُساهمة من طرف قصب في الإثنين 31 أغسطس 2009, 2:25 pm

تسلم يا زول يا راقى يا احساس
بس والله ما كنا عارفين اننا مليانين بهذا الاسم الى هذا الحد ،كرم وظرافة وحكمة وررجولة وشجاعة وحنكة وجمال
واناقة وووو
لذا فمرحب بالزول وحباب الزولات

الجماعة لو عارفنها فيها الصفات دى كلها ما بقولوها لينا
عارفين لية ؟؟؟؟


عشان حا........ين


الباقى تموا خيال



زول عاشق زول لذيذ




قصب
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 17309
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

ألحق رد: ماذا تعنــي لفظــــة زول...؟

مُساهمة من طرف ودماسا في الإثنين 31 أغسطس 2009, 5:55 pm

تحياتي بلوشيد علي توضيح معني كلمة زول والتي اشتهرنا نحن بها كسودانيين وما اروع معانيها... ليتهم يدركون معني الكلمة وبالاخص الجنسيات العربية الاخري لانهم فاكرنها كلمة سودانية بحته لما ننطق بها كثيرا
ولك تقيدير
ودماسا










منتديات شباب كلكول



[ندعوك للتسجيل في المنتدى أو التعريف بنفسك لمعاينة هذه الصورة] وددت لو اهدي مع الايام تزكارا روحا وقلبا وللاحباب ازهارا [ندعوك للتسجيل في المنتدى أو التعريف بنفسك لمعاينة هذه الصورة]
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15683
نقاط سمعتي : 18
<b>::My:</b> ::My: : ضع رسالتك هنا

ألحق رد: ماذا تعنــي لفظــــة زول...؟

مُساهمة من طرف hego في الإثنين 31 أغسطس 2009, 7:17 pm

والزول يقول ليك يا عامر تزاول من ضلك دي معناها شنو يا عامر
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

ألحق رد: ماذا تعنــي لفظــــة زول...؟

مُساهمة من طرف blueshade في الثلاثاء 01 سبتمبر 2009, 10:06 am

hego كتب:
والزول يقول ليك يا عامر تزاول من ضلك دي معناها شنو يا عامر

يا حجونا ورد في نمرة أربعة ( 4) أن الزول تعني التعجب... أنا لست ضليعاً في ها الأمور ولكني اعتقد أن كلمة زول هنا في (تزاول من ضلك) هي استخدام سوداني بحت؛ وعندنا كلمة الملاوزة كذلك (تلاوز من ضلك) كلا التعبيرين مستخدمان بطريقة سودانية بحتة والله أعلم.

شكراً للأخ الجميل قصب وكذلك لودماسا وسأعود لمداخلاتكما لاحقاً.

تحياتي و....
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16897
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

ألحق رد: ماذا تعنــي لفظــــة زول...؟

مُساهمة من طرف issa في الثلاثاء 01 سبتمبر 2009, 10:54 am

hego كتب:
والزول يقول ليك يا عامر تزاول من ضلك دي معناها شنو يا عامر


يا حجو ما فى حاجة اسمها تزاول من ضلك ،اللفظ الصحيح فى العامية هو : تلاوز من ضلك واصل كلمة ملاوزة هى( لاذ يلوذ) أى اختفى ومعروف ان الخفاء والاختفاء يكون للاشياء الخارقة والغيبية على شاكلة الشياطين الجن وهى مصدر خوف دائم للانسان ،كذلك كل ما هو مستتر هو مخيف .

كثير من السودانيين وخاصة كبار السن لا يحسنون لفظ الحروف صحيحة فيبدلون مواقع الحروف فى الكلمة الواحدة فتخرج الكلمة مشوهة ومن كثرة الاستعمال يحسب الفرد منا انها كلمة صحيحة مثل كلمة( تلاوز )تنطق تزاول، و(احسن ليك)تنطق اسحن ليك وهكذا ...والكثير من الكلمات الخاطئة التى تنطق على نحو ما وقع فيها عمناالحجو .
ملحوظة :هذه تدلل على عمر جدكم الحجو

والضل هو ايضاً مخيف خصوصاً باليل ،فعندما يكون احدهم سائراً لوحده ليلاً تتراءى له الظلال فيحسبها اشياء مخيفة وحتى ظله حينما ينعكس امامه من عدة جهات نتيجة لتكسر الضؤ يحسبه اشياء مخيفة فيخاف منه

ومن هنا جاءت لفظة تلاوز من ضلك .

اتعشم ان اكون قد اوضحت وابنت

تحياتى










منتديات شباب كلكول



على قدر اهل العزم تأتى العزائم
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 15683
نقاط سمعتي : 18
<b>::My:</b> ::My: : ضع رسالتك هنا

ألحق رد: ماذا تعنــي لفظــــة زول...؟

مُساهمة من طرف hego في الثلاثاء 01 سبتمبر 2009, 11:36 am

أقنعني ياعم عيسي بالدليل ماتخمني ـ من الكتاب والمؤلفون
نحن بنقول الحاجة دي زاولت لي يعني بتراري لي ، يعني
طشاش طشاش يعني كده كده يعني أقرب لانها تجي وتروح
والحاجه دي بتلاوز لي يعني بتخوفني ـ والفرق بينهم الاثنين
الملاوزة والمزاولة ( غير مزاولة الشئ)والملاوزة
المراراة ـ ماتقول لي مابتعرف المراراة ـ أسال الكرجو
وعمك عامر بجيبك أيضاً لانو فسر لي المزاولة بالعجب
ونحن سواء ملاوزة أو مزاولة هي الخوف
وطالما هي عامية ياعم عيسي ممكن تكون
ملاوزة أو مزاولة

والله أعلم
رايك شنو عليك الله أخوك مامحلل في جغرافية البلد
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16897
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

ألحق رد: ماذا تعنــي لفظــــة زول...؟

مُساهمة من طرف issa في الثلاثاء 01 سبتمبر 2009, 11:59 am

hego كتب:
أقنعني ياعم عيسي بالدليل ماتخمني ـ من الكتاب والمؤلفون

نحن بنقول الحاجة دي زاولت لي يعني بتراري لي ، يعني

طشاش طشاش يعني كده كده يعني أقرب لانها تجي وتروح

والحاجه دي بتلاوز لي يعني بتخوفني ـ والفرق بينهم الاثنين

الملاوزة والمزاولة ( غير مزاولة الشئ)والملاوزة

المراراة ـ ماتقول لي مابتعرف المراراة ـ أسال الكرجو

وعمك عامر بجيبك أيضاً لانو فسر لي المزاولة بالعجب

ونحن سواء ملاوزة أو مزاولة هي الخوف

وطالما هي عامية ياعم عيسي ممكن تكون

ملاوزة أو مزاولة



والله أعلم

رايك شنو عليك الله أخوك مامحلل في جغرافية البلد

يا حجو ده ما خم ده علم عدييييل كده ،وبعدين استاذ محمد سلمان معانا اهو خليه اليخش يورينا رأيو كمان .

وبعدين انت بتداوى وتفلق ولا شنو.. مرة تسأل منها ومرة تفسرها لينا ..قال مراراة قال ..

طيب كيف يكون الضل طشاش طشاش ولا كده كده ،اقنعنى انت عليك الله يا بتاع الجغرافيا

غايتو اكان على التحليل الجيوغرافى انت بارع جداً فيه ،قرط على كده










منتديات شباب كلكول



على قدر اهل العزم تأتى العزائم
avatar
ابو تقوى
قـلــم على الطريـــق
قـلــم على الطريـــق

ذكر الجدي

تاريخ تسجيلي : 16/11/2008
عدد مساهماتي : 87
مقيم في : السعودية


نقاط تفاعلي : 16424
نقاط سمعتي : 8
<b>::My:</b> ::My: : ضع رسالتك هنا

ألحق رد: ماذا تعنــي لفظــــة زول...؟

مُساهمة من طرف ابو تقوى في الثلاثاء 01 سبتمبر 2009, 2:23 pm

لك التحية اخي

bIueshade
بعض السودانين يتضايقون من كلمة زول سوا كان في بلاد المهجر أو داخل السودان
كيف يتضايقون من كلمة تحمل كل هذه الصفات صحيح من جهل شيئاً عاداه

مشكور اخي bIueshade على هذى المعلومات
معلومات جديدة وهي بالفعل قيمة
وجزاك الله خير الجزاء
ولك مني كل الود
ابو تقوى
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16897
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

ألحق رد: ماذا تعنــي لفظــــة زول...؟

مُساهمة من طرف issa في الأربعاء 02 سبتمبر 2009, 10:43 am

الان فقط ادركت حقيقة سرد هذه المساهمة من قبل صديقى العزيز عامر ،اتاريكم انتو يالمغتربيين متكويين بيها جنس كوى ، يعنى السعوديين المتفشخرين ديل بنبذوكم بيها .
يشتموكم بكلمة زول وانتو راضيين بهالكلام ،مش عيب عليكم ياازوال .
طيب اقول ليكم حاجة انتو ما تشتموهم بكلمة (رجٌال)
الواحد فيكم لما يلاقى ليه سعودى يقول لية اقيف هوى يا رجٌال، تعال هنا يا رجٌال ..وهكذا

مش فكرة كويسة ...كدى جربوها


تحياتى










منتديات شباب كلكول



على قدر اهل العزم تأتى العزائم
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 17309
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

ألحق رد: ماذا تعنــي لفظــــة زول...؟

مُساهمة من طرف ودماسا في الأربعاء 02 سبتمبر 2009, 5:47 pm

issa كتب:الان فقط ادركت حقيقة سرد هذه المساهمة من قبل صديقى العزيز عامر ،اتاريكم انتو يالمغتربيين متكويين بيها جنس كوى ، يعنى السعوديين المتفشخرين ديل بنبذوكم بيها .
يشتموكم بكلمة زول وانتو راضيين بهالكلام ،مش عيب عليكم ياازوال .
طيب اقول ليكم حاجة انتو ما تشتموهم بكلمة (رجٌال)
الواحد فيكم لما يلاقى ليه سعودى يقول لية اقيف هوى يا رجٌال، تعال هنا يا رجٌال ..وهكذا

مش فكرة كويسة ...كدى جربوها


تحياتى

]تحياتي يااستاذ عيسي
تعرف من اكثر الكلمات انتشارا ومعلومة لك الجنسيات كلمة زول التي تقدم بشرحها الاساتاذ عامر وله والتحية
وهناكل سوداني يفتخر بتلك الكلمة ولابضايق منها لانها كلمة ذات معني كبيرة تحمل الاصل السوداني الجيد ولا اي جنسية اخري تقدر ان تصف بهذة الكلمة المشهورة وكل الجنسيات الموجودة سو كان في السعودية ولا غيرها من الدول الاخري لان كل الجنسيات الاخري قد تكون غيرة معاني كلماتها واخذة الكلمات الموجودة في البلد الذي يعيشون فية الا السوداني لم يتغير ولم يتكيف ولن يتنازل عن اصلة وكلماته بل علمها لكل الناس و تعرف يااستاذ عيسي انا مرة قابلني واحد لابس الجلابية السودانية قال لي تري انا الان زول وهذا يكفي اننا نعرف بتلك الكلمة
تحياتي
ودماسا










منتديات شباب كلكول



[ندعوك للتسجيل في المنتدى أو التعريف بنفسك لمعاينة هذه الصورة] وددت لو اهدي مع الايام تزكارا روحا وقلبا وللاحباب ازهارا [ندعوك للتسجيل في المنتدى أو التعريف بنفسك لمعاينة هذه الصورة]
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 16942
نقاط سمعتي : 6
<b>::My:</b> ::My: : Hi EveryBody

ألحق رد: ماذا تعنــي لفظــــة زول...؟

مُساهمة من طرف amirageeb في الأربعاء 02 سبتمبر 2009, 6:43 pm

ودماسا كتب:
issa كتب:الان فقط ادركت حقيقة سرد هذه المساهمة من قبل صديقى العزيز عامر ،اتاريكم انتو يالمغتربيين متكويين بيها جنس كوى ، يعنى السعوديين المتفشخرين ديل بنبذوكم بيها .
يشتموكم بكلمة زول وانتو راضيين بهالكلام ،مش عيب عليكم ياازوال .
طيب اقول ليكم حاجة انتو ما تشتموهم بكلمة (رجٌال)
الواحد فيكم لما يلاقى ليه سعودى يقول لية اقيف هوى يا رجٌال، تعال هنا يا رجٌال ..وهكذا

مش فكرة كويسة ...كدى جربوها


تحياتى

]تحياتي يااستاذ عيسي
تعرف من اكثر الكلمات انتشارا ومعلومة لك الجنسيات كلمة زول التي تقدم بشرحها الاساتاذ عامر وله والتحية
وهناكل سوداني يفتخر بتلك الكلمة ولابضايق منها لانها كلمة ذات معني كبيرة تحمل الاصل السوداني الجيد ولا اي جنسية اخري تقدر ان تصف بهذة الكلمة المشهورة وكل الجنسيات الموجودة سو كان في السعودية ولا غيرها من الدول الاخري لان كل الجنسيات الاخري قد تكون غيرة معاني كلماتها واخذة الكلمات الموجودة في البلد الذي يعيشون فية الا السوداني لم يتغير ولم يتكيف ولن يتنازل عن اصلة وكلماته بل علمها لكل الناس و تعرف يااستاذ عيسي انا مرة قابلني واحد لابس الجلابية السودانية قال لي تري انا الان زول وهذا يكفي اننا نعرف بتلك الكلمة
تحياتي
ودماسا

لن يكون لدي تعليق كتير ولكني فقط أود أن أقول للأخ ودماسا أن عيسى لا يعني المعنى الذي يتحدث عنه أي أن كلمة سوداني هي نوع من التبخيس وإلا لما ذكر في ختام حديثه أننا يمكن أن نبخسهم ونقول لهم يا رجاَّل!

وكذلك للأخ عيسى نقول أنك أدركت فعلاً لماذا أنا أوجدت هذا البوست... فعلاً الشغلانة محصورة عند المغتربين وإلا فمن العادي في السودان أننا نطلق على الزول زول كما يطلقون على الزول زلمة في الشام وما شاكل ذلك في الدول الأخرى.

كلمة زول كما ذكرت في مدخل الموضوع هي المقابل لــــ"سوداني" بمعنى أن مثلاً عندنا نحن هنا في السعودية لا تطلق كلمة زول إلا على السوداني: واحد إقول ليك شغال معاي زول (يعني شغال معاي سوداني) وللعلم أنا ألحظ أن بعض السعوديين اللصيقين بالسودانيين أصبحوا يستخدمونها في حياتهم بصورة عامة فينادي أي شخص آخر حتى ولو كان سعوي بــــ(تعال يا زول) وهكذا.

الختام: ليس للكلمة أي دلالة تبخيسية... بمعنى أنها لا تطلق عند ما يراد التبخيس وإنما تطلق بصورة طبيعية على السوداني باعتبار أنها الكلمة التي تعرفه والتي يتعامل معها (زول عندما تطلق في دول المهجر تعني سوداني). وأنا شخصياً لم أصادف أي سوداني على الأقل هنا في الرياض بيزعل أو يحتج حينما ينادى يا زول بل بالعكس الكثيرين لا ينتبهون حال تمت مناداتهم بكلمة غيرها.

همسة: الزول الجميل في طبعو دائماً هاديء.... (التحية للرايع الخالد النعام آدم)

تحياتي و...
كل الود؛










منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 16897
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

ألحق رد: ماذا تعنــي لفظــــة زول...؟

مُساهمة من طرف issa في الخميس 03 سبتمبر 2009, 11:20 am

amirageeb كتب:
ودماسا كتب:
issa كتب:الان فقط ادركت حقيقة سرد هذه المساهمة من قبل صديقى العزيز عامر ،اتاريكم انتو يالمغتربيين متكويين بيها جنس كوى ، يعنى السعوديين المتفشخرين ديل بنبذوكم بيها .
يشتموكم بكلمة زول وانتو راضيين بهالكلام ،مش عيب عليكم ياازوال .
طيب اقول ليكم حاجة انتو ما تشتموهم بكلمة (رجٌال)
الواحد فيكم لما يلاقى ليه سعودى يقول لية اقيف هوى يا رجٌال، تعال هنا يا رجٌال ..وهكذا

مش فكرة كويسة ...كدى جربوها


تحياتى

]تحياتي يااستاذ عيسي
تعرف من اكثر الكلمات انتشارا ومعلومة لك الجنسيات كلمة زول التي تقدم بشرحها الاساتاذ عامر وله والتحية
وهناكل سوداني يفتخر بتلك الكلمة ولابضايق منها لانها كلمة ذات معني كبيرة تحمل الاصل السوداني الجيد ولا اي جنسية اخري تقدر ان تصف بهذة الكلمة المشهورة وكل الجنسيات الموجودة سو كان في السعودية ولا غيرها من الدول الاخري لان كل الجنسيات الاخري قد تكون غيرة معاني كلماتها واخذة الكلمات الموجودة في البلد الذي يعيشون فية الا السوداني لم يتغير ولم يتكيف ولن يتنازل عن اصلة وكلماته بل علمها لكل الناس و تعرف يااستاذ عيسي انا مرة قابلني واحد لابس الجلابية السودانية قال لي تري انا الان زول وهذا يكفي اننا نعرف بتلك الكلمة
تحياتي
ودماسا


لن يكون لدي تعليق كتير ولكني فقط أود أن أقول للأخ ودماسا أن عيسى لا يعني المعنى الذي يتحدث عنه أي أن كلمة سوداني هي نوع من التبخيس وإلا لما ذكر في ختام حديثه أننا يمكن أن نبخسهم ونقول لهم يا رجاَّل!

وكذلك للأخ عيسى نقول أنك أدركت فعلاً لماذا أنا أوجدت هذا البوست... فعلاً الشغلانة محصورة عند المغتربين وإلا فمن العادي في السودان أننا نطلق على الزول زول كما يطلقون على الزول زلمة في الشام وما شاكل ذلك في الدول الأخرى.

كلمة زول كما ذكرت في مدخل الموضوع هي المقابل لــــ"سوداني" بمعنى أن مثلاً عندنا نحن هنا في السعودية لا تطلق كلمة زول إلا على السوداني: واحد إقول ليك شغال معاي زول (يعني شغال معاي سوداني) وللعلم أنا ألحظ أن بعض السعوديين اللصيقين بالسودانيين أصبحوا يستخدمونها في حياتهم بصورة عامة فينادي أي شخص آخر حتى ولو كان سعوي بــــ(تعال يا زول) وهكذا.

الختام: ليس للكلمة أي دلالة تبخيسية... بمعنى أنها لا تطلق عند ما يراد التبخيس وإنما تطلق بصورة طبيعية على السوداني باعتبار أنها الكلمة التي تعرفه والتي يتعامل معها (زول عندما تطلق في دول المهجر تعني سوداني). وأنا شخصياً لم أصادف أي سوداني على الأقل هنا في الرياض بيزعل أو يحتج حينما ينادى يا زول بل بالعكس الكثيرين لا ينتبهون حال تمت مناداتهم بكلمة غيرها.

همسة: الزول الجميل في طبعو دائماً هاديء.... (التحية للرايع الخالد النعام آدم)

تحياتي و...
كل الود؛



ده كلام جميل ،وهذا هو عين ما قصدت ،فالفكرة الاساسية والاصل فى اطلاق كلمة زول على السودانى هى الحط من قدره وتبخيسه وإلا لماذا بالفعل لا يطلق على السورى مثلاً بيا زلمة والمصرى بيا عم.. وهكذا.. برغم تواجد المصريين بصورة كثيفة فى الاراضى السعودية .

الشئ الطبيعى استاذ عامر ألا يستغرب السودانى مناداته بيازول ..لماذا ؟ لانه متعود عليها منذ ان كان فى السودان ،وانا شخصياً كنت اعتقد ان السعودى ينادى على السودانى بالكلمة التى تعود على سماعها فى السودان وذلك تكريماً له ،ولكن عندما قرأت مداخلات الاخوة الاعضاء ادركت حينها ان لها مدلولات اخر .

عموماً نأمل فى ان لا تؤثر مثل هذه الاشياء على العلاقة الجيدة بين السودانيين والسعوديين والتى امتدت لحقب تاريخة طويلة . 










منتديات شباب كلكول



على قدر اهل العزم تأتى العزائم
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 17606
نقاط سمعتي : 13
<b>::My:</b> ::My: : $عيون في الغربـــة بكاية$

ألحق رد: ماذا تعنــي لفظــــة زول...؟

مُساهمة من طرف blueshade في السبت 05 سبتمبر 2009, 10:27 pm

issa كتب:
ده كلام جميل ،وهذا هو عين ما قصدت ،فالفكرة الاساسية والاصل فى اطلاق كلمة زول على السودانى هى الحط من قدره وتبخيسه وإلا لماذا بالفعل لا يطلق على السورى مثلاً بيا زلمة والمصرى بيا عم.. وهكذا.. برغم تواجد المصريين بصورة كثيفة فى الاراضى السعودية .

الشئ الطبيعى استاذ عامر ألا يستغرب السودانى مناداته بيازول ..لماذا ؟ لانه متعود عليها منذ ان كان فى السودان ،وانا شخصياً كنت اعتقد ان السعودى ينادى على السودانى بالكلمة التى تعود على سماعها فى السودان وذلك تكريماً له ،ولكن عندما قرأت مداخلات الاخوة الاعضاء ادركت حينها ان لها مدلولات اخر .

عموماً نأمل فى ان لا تؤثر مثل هذه الاشياء على العلاقة الجيدة بين السودانيين والسعوديين والتى امتدت لحقب تاريخة طويلة .

شكراً لك أخ عيسى؛ لدي تعليق أخير على مداخلتك.

حقيقة لا علم لدي أن كلمة زول تطلق على السوداني للحط من قدره - على الأقل هنا حيث أقيم. كذلك لم ألحظ في المداخلات أن هنالك من أشار لذلك!

أما لماذا لا يطلق على المصرين يا عم وعلى الشوام يا زلمة فهذا لا يبرر على الأطلاق أن نزعم أن كلمة زول هي للحط من قدر السودانيين. وتفسيري لهذا الأمر هو أن الشعب السوداني أكثر التصاقاً بالشعب السعودي ومنذ القدم؛ كذلك نسبة السودانيين في السعودية كبيرة وقد صنعوا وداً خاصاً بينهم وبين السودانيين بالرغم من بعض الاستثناءات التي ليست ذات قيمة فعلاً. ولذلك السعودي ينادي السوداني يــا زول ببساطة وبحميمية وليس للأمر أي ارتباط بالتحقير أو الشكر!

على العموم نحن سعداء بأننا ننادى بهذه الكلمة التي هي من بيئتنا والتي نستخدمها في بيئتنا وخارجه لأننا ننادي السعودين كذلك بــــ يا زول عفوياً وكأنهم سودانيين.

تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر

    الوقت/التاريخ الآن هو الثلاثاء 24 أكتوبر 2017, 5:08 am