منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


مجرد سعال 2

شاطر
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 17333
نقاط سمعتي : 18
<b>::My:</b> ::My: : ضع رسالتك هنا

مجرد سعال 2

مُساهمة من طرف hego في الإثنين 14 سبتمبر 2009, 12:13 pm

بسم الله الرحمن الريحم وصلي الله علي سيدنا وحبيبنا
محمد أفضل الخلق أجمعين ...وبعد

سعال جديد ـ ومسابقة جديدة ـ وجوائز قيمة
أولاً انتو ياجماعة عندنا في الحلة كم خريج
وعندنا كم واحد بحمل الشهادة السودانية
وعندنا كم واحد بحمل الشهادة الفنية
ونفس الاسئلة دي بتنطبق علي الجنس الاخر
ياخي باختصار أقول ليكم عندنا كم شاب وشابه عاطلين في الحلة
البنات في البيوت والاولاد في الضللةـ فطور السوق ـ وكوره العصر
المهم ما علينا ـ طيب عندنا كم واحد في مركز صناع القرار أو أصحاب
العلاقات المتميزة سواء في الولاية أو المحلية أو الدولة؟
طيب عملوا شنو للعاطلين عن العمل ومؤهلين وما محتاجين غير الواسطة
ماقلنا ليكم أخرقوا القوانين وعينوهم وان كان كل القوانين مخروقة
ومقددة وكلها واسطة ومحسوبية مع العلم الواسطة في السودان
حاجة رسمية يعني باختصار ت المزكيك منو، بس زكوهم لينا
ولابس شان جات عندنا بقت الواسطة ممنوعةـ والله ناس المناطق
التانية والقري الحولبنا بساعدوا أولاد مناطقهم ، لدرجة أنو يخلقوا
وظائف من عدم في المؤسسات الحكومية والشركات وادخلوهم
فيهاـ ياخي عليكم الله أعملوا ليكم بصمه في عهد الواسطة دي
وعلاقاتكم ما شاء الله باعلي السلم أغتنموا جزء من الفرصة لصالح
شبابنا في الحلة لانو المواقع الانتو فيها دي مابتدوم ـ يعني بصراحة
تقدروا تشغلوا بلد كامل مش 100 خريج
ممكن تقولوا لي نحنا الواحد نعينوا وهو قاعد في البيت؟
أقول ليكم أنتو من الحله والمفروض عارفين فلان ود فلان خريج
محتاج اسرته فقيره ـ عاطل عن العمل مامتزوج ـ دي براها سيرة
ذاتيه مامحتاجين زول اوريكم ليهاـ
بس كليموهم قولوا ليهم في معاينات في الحته الفانية تعالوا قدموا
وبعدين الواسطه بتلعب دورها ـ أسي أدخلوا أي موقع في الدوله
والله ناس ماعندهم شهادات اللهم الا شهادة لااله الاالله وناس
دي زاتها ماعندهم وشغالين والحمد لله ، الحاميكم انتو شنو تتوسطوا
لاهلكم ـ
ماداير أكتر الكلام أكتر من كده ماتقعدوالينا في الخرتوم ساكت
والشباب هنا من ضل لضل
وانتوا يالمغتربين وأنا واحد منكم قاعدين منططين عويناتكم انتو ما
في حل من هذا الكلام ، أبسط حاجه صندوق دعم الخريج ـ أشتروا ليكم
اقامه واحده رسلوها لزول محتاج ـ عارفين ظروفكم صعبه لكن ده مابحل
وطرق المساعد كتيرة
ياجماعة الخير التكاتف والتعاون من أجل كلكول وأهل كلكول
والله من وراء القصد

ماتشبعونا سمك بس ادونا سناره ننزل البحر
تحياتي
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17014
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رد: مجرد سعال 2

مُساهمة من طرف قصب في الإثنين 14 سبتمبر 2009, 5:10 pm

ضربت فى وتر حساس عمنا الحجو بس حال اخوانا المسعولين بنطبق عليهم المثل البقول ضل الدليب بجدع بعيد . والله لو شفتهم مع الاغراب تقول اولاد عمهم بسهلوا ليهم اى شى يوظفوهم ويساعدوهم وحتى مصاريف الجامعة بيدوها ليهم واولاد عمهم وحلتهم ما شغالين بيهم الشغلة ، وحجتم شنو! (اولاد الحلة ما ملحلحين ) انتوا جربتوهم ؟

اما نحن المغتربين وعشان نكون عمليين وبلاش كلام كتير كل واحد يدخل يدو فى جيبو بما يجود وبداء بنفسى وبتبرع بى (500 ريال) لصندوق دعم الخريج الامن عليو الحجو واى واحد عاوز يتبرع انا بجيو لحدى عندو وبشيل منو القريشات العاوز يساعد بيها ناس حلتو

يعنى اى واحد يكرب بطنوا
قصب جاهز والجارعودى جاهز وتنكيو مليااااااااان بنزين الفى العقيق بمش ليو بس ختو الموضوع جد ما كنابة منتديات

واخوانا الخارج الرياض وخارج المملكة هاكم رقم الحساب(بنك الراجحى) 327191 /475 الطيب حسب الرسول

ولى شنو يا الحجو


قصب
avatar
ودماسا
مشـــرف المنتديات الأدبية

ذكر الجدي

تاريخ تسجيلي : 18/10/2008
عدد مساهماتي : 545
جنسيتي : سوداني
مقيم في : الرياض - السعودية


نقاط تفاعلي : 18959
نقاط سمعتي : 14
<b>::My:</b> ::My: : يمه العزيزه الشوق غلب ليك ياوحيده وللبلد ‏

رد: مجرد سعال 2

مُساهمة من طرف ودماسا في الإثنين 14 سبتمبر 2009, 5:22 pm

تحياتي الاخ الحجو وانت دوما تاتينا بالافكار والاقتراحات الجميلة ولكن لاجدوي تزكر سواء كان من المغترب ولا من اصحاب الماقمات الذي يعملون في مراكز مرموقة في الدولة
نامل ان تعم الفايدة وفي تعين خريح سوف يساعد ف تعين الاخر وهكذا الي ان ينصلح حال الخرجين وبالتالي ينصلح حال القرية كلها
ونامل ان لايكون الحديث حديث منتديات لاننا نحن تعودنا علي الكتابة والنظريات في المنتديات
ونامل ان يهتم الخريج اولا والله ولي التوفيق
تحياتي الحجو
ودماسا










منتديات شباب كلكول



وددت لو اهدي مع الايام تزكارا روحا وقلبا وللاحباب ازهارا
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17014
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رد: مجرد سعال 2

مُساهمة من طرف قصب في الإثنين 14 سبتمبر 2009, 10:27 pm

شايف اخونا ود ماسة عقب على كلام الحجو وما علق على كلامى !!!! ؟
مع انى حددت فى كلامى وقلت الفى العقيق بمش ليو !

ولى كلام القروش ما عجبك ؟

نحن ما عاوزين تعقيب عاوزين قروش يا ود ماسا

رجاءا اخوانى عاوزين قرووووووووووووش لا كلام






قصب
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 19256
نقاط سمعتي : 13
<b>::My:</b> ::My: : $عيون في الغربـــة بكاية$

رد: مجرد سعال 2

مُساهمة من طرف blueshade في الإثنين 14 سبتمبر 2009, 10:33 pm

@قصب كتب:شايف اخونا ود ماسة عقب على كلام الحجو وما علق على كلامى !!!! ؟
مع انى حددت فى كلامى وقلت الفى العقيق بمش ليو !

ولى كلام القروش ما عجبك ؟

نحن ما عاوزين تعقيب عاوزين قروش يا ود ماسا

رجاءا اخوانى عاوزين قرووووووووووووش لا كلام



قصب
والله يا أخ قصب كنت أود أن أنظر وأكتب كلام كتير ولكن... لعلك زي ما بقولوا جبت الموضوع من آخرو؛ ولذلك ألجمتني، لا تعليق والبيان بالعمل على قولة أخواننا العساكر!
أنا مع رأيك العملي، وإمكن أخونا الحجو صاحب الموضوع (الذي يعد من مواضيعه المهمومة بهموم ناس الحلة) هو كذلك قد يتفق مع رأيك...
والنشوف آخرتا؛
همسة: سأعود للتنظير لاحقاً... الأمر والمشكلة ليست محصورة في ناس كلكول وبس؛ مشكلة الخريج وتوظيفه أصبحت ظاهرة فعلاً يجب أن نتوقف عندها بحثاً ومعالجة.
تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 18547
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

رد: مجرد سعال 2

مُساهمة من طرف issa في الثلاثاء 15 سبتمبر 2009, 10:02 am

@blueshade كتب:
@قصب كتب:شايف اخونا ود ماسة عقب على كلام الحجو وما علق على كلامى !!!! ؟
مع انى حددت فى كلامى وقلت الفى العقيق بمش ليو !

ولى كلام القروش ما عجبك ؟

نحن ما عاوزين تعقيب عاوزين قروش يا ود ماسا

رجاءا اخوانى عاوزين قرووووووووووووش لا كلام



قصب


والله يا أخ قصب كنت أود أن أنظر وأكتب كلام كتير ولكن... لعلك زي ما بقولوا جبت الموضوع من آخرو؛ ولذلك ألجمتني، لا تعليق والبيان بالعمل على قولة أخواننا العساكر!


أنا مع رأيك العملي، وإمكن أخونا الحجو صاحب الموضوع (الذي يعد من مواضيعه المهمومة بهموم ناس الحلة) هو كذلك قد يتفق مع رأيك...


والنشوف آخرتا؛


همسة: سأعود للتنظير لاحقاً... الأمر والمشكلة ليست محصورة في ناس كلكول وبس؛ مشكلة الخريج وتوظيفه أصبحت ظاهرة فعلاً يجب أن نتوقف عندها بحثاً ومعالجة.


تحياتي و...


كل الود؛



نحيى حماس وجدية اخونا الطيب حسبو ،بالفعل الموضوع ما عايز تنظير كتير ،(من المهم جداً تحديد الاولويات وترتيب الاوضاع بحيث نضع الاطر العامة بما يتواكب مع المصلحة العامة للاخوة الخريجين والمتبطلين بقرية كلكول )


الكلام بين القوسين هو نموذج للتنظير الغير مفيد والذى يستهلك الطاقات ولا يحل المشكلة فقديماً قيل اذا اردت ان تقتل عملاً فكون له لجنة تنبثق من لجنة اخرى .


لا نريد مثل هذا الكلام بل فى الواقع نرجو من كل واحد متداخل فى هذا البوست ان يقدم اقتراح عملى ايجابى داعم للفكرة أو دعم مالى مباشر .

وانا من جانبى ملتزم بتمليك الاخوة الخريجين فى مجال المحاسبة والاقتصاد وما شابه ذلك من دراسات، المعلومات المتعلقة بالمعاينات وكيفية تجاوزها حتى تتيسر له اسباب النجاح للظفر بوظيفة فى احدى المؤسسات المالية وذلك بحدود استطاعتى. هذا بخلاف وقوفى معكم فى المسائل المالية التى تتقرر للاخوة اعضاء المنتدى.

مثل هذه الاراء الجريئة التى اتى بها اخونا قصب هى ما كان ينقصنا ،فحيوه على هذا المقترح العملى الذى سيسكت ويخرس الكل من التنظيرات الفارغة .

هذا مع فائق شكرى للاخ الحجو على هذا المقترح الرائع










منتديات شباب كلكول



على قدر اهل العزم تأتى العزائم
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 17333
نقاط سمعتي : 18
<b>::My:</b> ::My: : ضع رسالتك هنا

رد: مجرد سعال 2

مُساهمة من طرف hego في الثلاثاء 15 سبتمبر 2009, 4:54 pm

بسم الله والصلاة والسلام علي حبيبنا محمد صلي الله عليه وسلم ـ ـ ـ وبعد

الشكر للاخوان على المداخلات والاهتمام بالموضوع وزي ماقال الاخ
عيسي كفاية لجان ولجان منبثقة وعلى راي الاستاذ عامر البيان بالعمل
والاخ مبشر والله ده المطلوب يا أستاذ قصب الدفع الدفع الدفع الدفع الدفع
وبعدين التفكير وتحديد الاولويات ونعمل شنو بس المطلوب أمين خزينة
معاك ياقصب في هذا الاقتراح الجميل
وكل الاخوه في المنتدي معاك يعني الكلام على ده ثقه
يلا ياكرجو وعابر سبيل وأبوتقوى وجاديكا وكل ناس المنتدي ورونا همتكم
تحيــــــــــاتي
avatar
خالد الكرجو
مشـرف الرياضــة

ذكر الدلو

تاريخ تسجيلي : 18/08/2009
عدد مساهماتي : 38
جنسيتي : ســــوداني
مقيم في : السعودية


نقاط تفاعلي : 16692
نقاط سمعتي : 2
<b>::My:</b> ::My: : يا نفس أحلي الحروف في زمة الزمن الخرافي

رد: مجرد سعال 2

مُساهمة من طرف خالد الكرجو في الثلاثاء 15 سبتمبر 2009, 7:50 pm

نحن دائماً مع العملية والمنهجية وكما يقولون البيان بالعمل لا بالمداخلة وعشان الموضوع ما يبقى ذى مقترح أخونا الحجو ( مشروع مغترب ) أنا من نفسي أعلن دعمي للمشروع وكما حدد أخونا قصب بمبلغ (500 ) ريال . ويا قصب تعال إستلم الآن .. إ
والله الموفق
avatar
hego
مراقب عـــام

ذكر الجدي

تاريخ تسجيلي : 30/04/2009
عدد مساهماتي : 110
جنسيتي : سوداني
مقيم في : السعودية


نقاط تفاعلي : 17333
نقاط سمعتي : 18
<b>::My:</b> ::My: : ضع رسالتك هنا

رد: مجرد سعال 2

مُساهمة من طرف hego في الخميس 17 سبتمبر 2009, 1:13 pm

حرام عليك يا قصب طفشت الناس بالخمسمييايه حتي في ناس ولاتعليق
على الموضوع ، الظاهر أي حاجه فيها ريحة دفع الناس بتكب الزوغه
ومافي حاجة بدون دفع وبدون تنازلات وللمرة التانية وليست الاخيره
فيكم الخير ساعدوا محتاج واحد تساعدوا أسرة ممكن اسرتين وال500
بتاعت أخونا قصب شووفها بتسعد كم وكم وكم ـ ولا أقول ليكم أدونا
رايكم كان في حل غير القروش ـ والله أعلم
علقوا قولو حاجة الجارعودي مايطفشكم

تحياتــــي

    الوقت/التاريخ الآن هو الأربعاء 19 سبتمبر 2018, 10:10 pm