منتـديات شباب كلكـول


فضاء كلكول يرحب بك زائرنـــا الكــــريم...

وسجل معنا لنثري معاً هذا الفضاء بالحب والجمال والإبداع...
مع التحية؛

منتديات سـودانية حواريــــــة حــرَّة مفتوحــــة للجميــع... تُعَبِّـــــرُ بالكلمة في حـدود القانـــون والأخلاق الإسلامية السمحة والذوق العـــام

دخول

لقد نسيت كلمة السر

أخبار كلكــــــول

 

سحابة الكلمات الدلالية


الخطه السكنيه الجديدة

شاطر
avatar
ودالبي
هلـَّتْ الأتــــوار
هلـَّتْ الأتــــوار

ذكر الجدي

تاريخ تسجيلي : 06/08/2009
عدد مساهماتي : 12
جنسيتي : السـودان
مقيم في : السعودية


نقاط تفاعلي : 16704
نقاط سمعتي : 1
<b>::My:</b> ::My: : ضع رسالتك هنا

الخطه السكنيه الجديدة

مُساهمة من طرف ودالبي في الخميس 08 أكتوبر 2009, 10:04 am

اولا اريد ان اتكلم عن ازمة الاراضى فى القريه وكلكم على علم بهذة المشكله الكبيره التي لايتحدث عنها الكثير والمشكله بدات فى اوائل الالفين عندما بدوا اهل القرية ببيع الاراضى لغير الاهل والمعارف وبقى الواحد يبيع الارض للاغراب ولاحتى بيتكلم ماعارف ليه حتى صارت القريه خاليه من الاراضى السكنيه اما بالنسبه للخطه السكنيه الجديده لاتكفى لانو هذه اخر خطه وهى عباره عن 200 قطعه والناس القدمو اكتر 2000 ولااريد ان اطول اكتر ارجو من كل الاخوه والاهل بالقرية اذا دعت الظروف ولابده من البيع فيكون الى اهل القرية وشكرا"










منتديات شباب كلكول



Wad-albaih
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17034
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رد: الخطه السكنيه الجديدة

مُساهمة من طرف قصب في الخميس 08 أكتوبر 2009, 11:38 am

والله يا اخ عزو انا معاك فى رايك لاننا إذا نظرنا الى حال الاجيال القادمة نجد انها هى التى تتضرر اكثر(مع العلم نحنا ما عملنا حسبتنا ) المعادلة صعبة عدد القطع 200 قطعة وعدد اللقدموا 2000 يعنى بحساب المنطق فى أكثر من1800 مواطن حا نلقاهم بعد كم سنة بدورو فى الاراضى فى الكمر والحليلة عشان يشتروها وبذلك ينطبق عليهم المثل البقول ( جدادة الخلة طردت جدادة البيت)
اين موقف اللجنة الشعبية من موقف البيع هذا ، يجب ان يوقفوا ذلك الزحف الاستيطانى الخطير الذى اصبح يهدد مواطنى القرية حتى لا نطر نزحف نحن الى قرى الجوار

بالمناسبة شدر يابا ننة تابع لينا ولى للحليلة
ناس الكرل طلعونا ساااااااي قال حدهم خلوة عثمان ود الزين



الموضوع عاوز وقفة حقيقية لا تعليق على الماشى


نرجوا الوقفة



قصب










منتديات شباب كلكول



لو أعيش زول ليهو قيمة

أسعد الناس بى وجودى

زى نضارة غصن طيب
كل يوم يخضر عودى

وابقى زولا ليهو قيمة ...

وابقى زولا ليهو قيمة
avatar
blueshade
قلــــم ذهبــــي
قلــــم ذهبــــي

ذكر السرطان

تاريخ تسجيلي : 14/10/2008
عدد مساهماتي : 721
جنسيتي : SuDaNi
مقيم في : ar-Riyadh


نقاط تفاعلي : 19276
نقاط سمعتي : 13
<b>::My:</b> ::My: : $عيون في الغربـــة بكاية$

رد: الخطه السكنيه الجديدة

مُساهمة من طرف blueshade في الجمعة 09 أكتوبر 2009, 9:58 am

موضوع مهم فعلاً ولكننا ربما سنقول (فات الأوان) والأراضي الانباعت لن تعود؛ ومن ينوي البيع سيبيع!
قد يطرأ سؤال هنا... لمذا أبيع أرضي؟ والإجابة ستشير مباشرة للظروف والأوضاع السيئة التي أصبح عليها الناس بحيث تضعهم في بعض الأوقات في خيارين لا أكثر "تبيع الأرض لصالح الأولاد أو تبيع الأولاد عشان تعيش!" الغريبة مثل هذه المعادلة تجعل من الصعب الحديث عن أي صبر أو تريث. ولماذا البيع لمن هو من خارج القرية يبدو أن الإجابة لأنهم يدفعون كاش ووقتي وها لا يتوفر لناس القرية الذين إن كانوا قادرين لما باعوا لمن هو من كلكول أو خارجها.
يبدو لي أن المشكلة بدأت مع منتصف أو أوائل التسعينات وليس أوائل الألفين كما ذكر الأخ ود البي؛ حينها كنا ما نزال داخل الوطن... واللجنة الشعبية كان لها الدور المباشر في الأمر حينها وقد فرطت في الكثير من الأراضي.
أما بخصوص الخطة الجديدة ومعادلة الــــ200 على الــــ2000 التي بالتأكيد سيكون لها مردود سلبي على استقرار القرية وأهل القرية، لا أظن أن هنالك حل لها لأن الأرض ليس محصول أو منتج يمكن أن ننتجه أو نولده من جديد ليكفي حاجات الناس؛ بل هي مساحات محددة تنتهي بانتهاء توزيعها ومن لا يجد سيكون في وضع حرج خاصة في المرحلة الحالية التي يقول فيها كل شخص "نفسي نفسي"
في الختام ليس لنا إلا أن نقول ربنا يصلح الأحوال... بس الواطة الفاتت ونباعت خلاص انتهت؛ لنرى أمر آخر!
تحياتي و...
كل الود؛










منتديات شباب كلكول



___________________________________
لو عز يا عازة اللقاء ما بين ظروفك والقدر!
ضميني في جواك طيف... وحيد وعنوانو السفر
avatar
issa
المديـر العـــام

ذكر الدلو

تاريخ تسجيلي : 05/11/2008
عدد مساهماتي : 459
جنسيتي : سودانى
مقيم في : الخرطوم


نقاط تفاعلي : 18567
نقاط سمعتي : 22
<b>::My:</b> ::My: : لولا امانى النفس وهى حياتها ما طار لى فوق البسيطة طائر

رد: الخطه السكنيه الجديدة

مُساهمة من طرف issa في الأحد 11 أكتوبر 2009, 11:32 am

شكراً ود البى

فقد ظل هذا الموضوع يؤرق المضاجع منذ امد بعيد وكنا نسمع بقصص توزريع الاراضى داخل القرية من عهد اخر الشيوخ ومروراً باللجان الشعبية وفى كل مرة نرى توزيعاً ليس فيه اى نوع من انواع العدل والمساواة بل فى كثير من الاحيان تغلب عليه المحاباة والمحسوبية وإن كان يتغلف احياناً بعدالة التوزيع .


ما علينا ، فعفى الله عن من كان متسبب فى الامر ،لكن الموضوع الان ينحصر فى العدد الهائل للمستحقين للاراضى فى مقابل العدد المحدود للقطع ولا تخلو المسألة من معادلة رياضية صعبة ومعقدة فنظرية مالتس للسكان تقطع بتزايد السكان بمتوالية هندسية فى مقابل زيادة الانتاج بمتوالية عددية ونحن هنا نقول زيادة السكان بمتوالية هندسية فى مقابل ثبات الارض على حالها وهذا الوضع سيخلق نوعاً من الندرة النسبية .

الاخ الطيب اشار الى مشكلة نفاد القطع السكنية فى القريب العاجل بقوله
(يعنى بحساب المنطق فى أكثر من1800 مواطن حا نلقاهم بعد كم سنة بدورو فى الاراضى فى الكمر والحليلة عشان يشتروها وبذلك ينطبق عليهم المثل البقول ( جدادة الخلة طردت جدادة البيت)
لكننا نعلم ان الامور لا تؤخذ بهذا الشكل فلكل مشكلة حل ولا اعتقد ان هذه المشكلة خاصة فقط بناس كلكول فكل العالم يتضرر من هذه المعادلة ..لماذا ؟ الاجابة قطعاً معلومة لنا ،مساحة محصورة ومحدودة وثابتة فى مقابل تزايد وتنامى فى الاعداد البشرية وكل فرد منهم يريد بناء مستوطنته الخاصة فما العمل؟؟

واضح ان معظم الدول الغنية عملت على حل المشكلة فى البناء والتوسع الرأسى وسيكون بمقدور الدول الاخرى حل المشكلة بنفس الاسلوب فى المدى البعيد ،ولن تظل الامكانيات المتاحة الان موجودة فى المستقبل بمعنى اخر ستنتفى الامكانيات المتاحة الان فى المستقبل وسيكون بمقدور ناس كلكول بناء العمارات العالية والشاهقة حتى يتوفر للجميع المسكن والمأوى .

ليس هذا رجماً بالغيب ولكن هذا استقراء لما يمكن ان يحدث ولما يمكن ان يصير اليه العالم فى المستقبل ،ذلك لان الله استخلف الانسان فى الارض لاعمارها ولن يكون اعمارها فى ظل تزايد الناس وثبات الارض ممكناً الا بالتوسع فى هذه الرقعة الارضية المحدودة رأسياً وسيغيض الله للناس الاسباب .


عدل سابقا من قبل issa في الإثنين 12 أكتوبر 2009, 9:10 am عدل 1 مرات










منتديات شباب كلكول



على قدر اهل العزم تأتى العزائم
avatar
قصب
قـلــم على الطريـــق
قـلــم على الطريـــق

ذكر الدلو

تاريخ تسجيلي : 23/03/2009
عدد مساهماتي : 97
جنسيتي : سودانى أنا
مقيم في : Riyadh


نقاط تفاعلي : 17034
نقاط سمعتي : 58
<b>::My:</b> ::My: : ما معنى أن نحيى ولا ندري بأن العشق قد يبقى سجينا في...

رد: الخطه السكنيه الجديدة

مُساهمة من طرف قصب في الأحد 11 أكتوبر 2009, 5:30 pm

يعنى يا استاذ عيسى نخلى الجماعة يبيعوا ويقسموا للغرب بكيفهم ونقعد نستنى العمارات
كيف دى تجى ومتى نصبح مليانين قروش عشان نشيد ، الناس ما لاقية تبنى تكل للكسرة نقوم ندخل ليها فكرة المستقبل وبكرة حا نبنى العمارات ،ماعندنا شك فى انو الجاى أحدث ،وانو بدل بيوت الطين حاتجى بيوت الحجروالطوب بس نحن فى هسة كيف نطلع من هسة،
النظريات العلمية مافيها شك وقامت بعد ابحاث وتطبيقات كثيرة ولكن فى بعض المرات الحوجة بتخليك ما تقتنع بأي نظرية وخصوصا لو كانت مستقبلية (هسة اعمامنا الكبار لو مسكنا ليهم فى نظرية مالتس فكرك حا يقعدو يتفرجوا علينا وهم مقتنعين)
اكيد لا
واقل عبارة بقولوها لينا ( دايرين لينا واطة لى اولادنا بعدين)
بالمناسبة المقابر إتملت ما شاء الله بأبواتنا وامهاتنا واخواننا
اين الموقع المخترح الجديد مع ندرة الاراضى فى الحلة
ولى الميتين كمان حا نستنى ليهم العمارات والمستقبل
مع خالص تحياتى لك استاذى عيسى
طرفة ظريفة شوية لا تخلو من البساطة
اخ لنا من حلة مراقدانة متزوج مننا حصلت مشكلة بينو وبين المرة بسبب البيت والمشكلة وصلت القاضى لم طلب من القاضى مرتو ترجع ليو رفضت بحجة ما عندو بيت ،القاضى سألوا انت ما عندك مأوى لمرتك ؟ قاليهو والله يا حضرت القاضى زيرا وزير امى واااااااحد

تحياتى
قصب










منتديات شباب كلكول



لو أعيش زول ليهو قيمة

أسعد الناس بى وجودى

زى نضارة غصن طيب
كل يوم يخضر عودى

وابقى زولا ليهو قيمة ...

وابقى زولا ليهو قيمة
avatar
احلام
مراقب عـــام

انثى العذراء

تاريخ تسجيلي : 02/04/2010
عدد مساهماتي : 185
جنسيتي : سودانية
مقيم في : كلكول


نقاط تفاعلي : 15838
نقاط سمعتي : 5
<b>::My:</b> ::My: : إن حظي كدقيق فوق شوك نثروه
ثم قالوا لحفاة يوم ريح اجمعوه



رد: الخطه السكنيه الجديدة

مُساهمة من طرف احلام في الخميس 08 أبريل 2010, 9:50 pm

يا جماعة انا ما شايفة في اي مشكلة الاغراب ديل ما ناس زينا ما عندهم وطن ولقو ليهم وطن نحنا مفروض نفتخر انهم اختارو كلكول وانشاءالله نشيلهم في عيونا لو كملت عليهم الاراضي.واحتمال تفتشو ليكم وطن جديد لو الاراضي كملت عليكم تحبو انو تتعاملو سيء من اهل الموطن الجديد ياجماعة كلكول بلد كرم حتي في الاراضي ودي ما حاجة جديدة عليناوبعدين خلوها علي الله بدبرها
وفي حاجة عايزة انبهكم ليها الايام دي الحكومة نزلت اعمدة توصيل كهرباء العندو ارض ما جنبها عامود يسارع بالتسجيل عشان ما تفوتو الفرصة ويجي يفتش للعامود بالملائين










منتديات شباب كلكول



سنظل نزرع في بوار الأرض أمنية
يقينا
سوف تنمو تمنح الآفاق شيئا
من جمال
avatar
amirageeb
المؤسـس

ذكر السرطان

تاريخ تسجيلي : 14/10/2008
عدد مساهماتي : 302
جنسيتي : SUDANI
مقيم في : Riyadh, SA


نقاط تفاعلي : 18612
نقاط سمعتي : 6
<b>::My:</b> ::My: : Hi EveryBody

رد: الخطه السكنيه الجديدة

مُساهمة من طرف amirageeb في السبت 10 أبريل 2010, 8:11 pm

@احلام كتب:يا جماعة انا ما شايفة في اي مشكلة الاغراب ديل ما ناس زينا ما عندهم وطن ولقو ليهم وطن نحنا مفروض نفتخر انهم اختارو كلكول وانشاءالله نشيلهم في عيونا لو كملت عليهم الاراضي.واحتمال تفتشو ليكم وطن جديد لو الاراضي كملت عليكم تحبو انو تتعاملو سيء من اهل الموطن الجديد ياجماعة كلكول بلد كرم حتي في الاراضي ودي ما حاجة جديدة عليناوبعدين خلوها علي الله بدبرها
وفي حاجة عايزة انبهكم ليها الايام دي الحكومة نزلت اعمدة توصيل كهرباء العندو ارض ما جنبها عامود يسارع بالتسجيل عشان ما تفوتو الفرصة ويجي يفتش للعامود بالملائين

هنالك مشكلة فعلاً أختي إحلام... والأمر لن نصوره بالصورة التي تتحدثين عنها وحكاية وطن ونزوح!

والحاجة دي فعلاً جديدة ولم تظهر إلا في عهد الإنقاذ هذا الذي تلخبطت فيه السياسات وتغلبت مصالح الأفراد الشخصية ليصل مستوى الفقر بالإنسان لدرجة أن يبيع أرضه حتى يعتاش منها.

لذلك هنالك مشكلة بالفعل في سياسات التخطيط للأراضي والتي كوشت من خلالها السلطات كل الأراضي لنصل للمعادلة الأخيرة المتمثلة في مشاركة صاحب الموضوع الأساساي (
لــــ200 على الــــ2000). ولذلك - مع احترامنا لرأيك المقدر- نعتقد أن مناقشة الموضوع بشكل أساسي تكون في التركيز على المحنة التي يواجها أهل القرية فعلاً بخصوص هذه الأراضي وهذا لا يعني بالضرورة أننا لا نحب الآخرين أو لا نحتفي بوجودهم بيننا... فهذه شيمة سودانية متأصلة وليس مجتمع كلكول بمعزل عن ذلك.

تحياتي و...
كل الود؛











منتديات شباب كلكول



______________________________________________
What life had taught me, I would like to share with you
LIFE IS SIMPLE... TREAT IT AS SUCH

avatar
احلام
مراقب عـــام

انثى العذراء

تاريخ تسجيلي : 02/04/2010
عدد مساهماتي : 185
جنسيتي : سودانية
مقيم في : كلكول


نقاط تفاعلي : 15838
نقاط سمعتي : 5
<b>::My:</b> ::My: : إن حظي كدقيق فوق شوك نثروه
ثم قالوا لحفاة يوم ريح اجمعوه



رد: الخطه السكنيه الجديدة

مُساهمة من طرف احلام في السبت 10 أبريل 2010, 10:03 pm

شكرا اخي عامر حاولو تعالجوا المشكلة الحتحصل بيع الاراضي غرب الظلط بداءت تتباع للاغراب والاراضي رخيصة ب2 و3 مليون بس سارعو بشرائها










منتديات شباب كلكول



سنظل نزرع في بوار الأرض أمنية
يقينا
سوف تنمو تمنح الآفاق شيئا
من جمال

الترجى
نبـض جديــــد
نبـض  جديــــد

ذكر الحمل

تاريخ تسجيلي : 12/05/2010
عدد مساهماتي : 26
جنسيتي : سودانى
مقيم في : كلكول


نقاط تفاعلي : 15351
نقاط سمعتي : 0
<b>::My:</b> ::My: : احب من لا يحبنى ويجب عليه ان يكون مع صريح بانه لا يحبنى

رد: الخطه السكنيه الجديدة

مُساهمة من طرف الترجى في الأحد 18 يوليو 2010, 9:27 pm

يعنى ياود البى لمن الواحد يبقى 30سنة ما يلقى ارض يشتريها ويتزوج فيها على فكره شجر يابا نننا تبعنا ولا تبع الكمر عرفنا الخطة السكنيه الجديده وين الخطه السكنيه للمقابر الجديده

    الوقت/التاريخ الآن هو الأحد 23 سبتمبر 2018, 2:00 pm